საქართველოში სასწავლო პროცესი პირველ აპრილამდე გადაიდო

კორონავირუსის გავრცელების საფრთხის გამო სასკოლო არდადეგები 1-ელ აპრილამდე გაგრძელდება.

ეს გადაწყვეტილება პრემიერ-მინისტრის ხელმძღვანელობით შექმნილმა კორონავირუსთან დაკავშირებულმა საკოორდინაციო საბჭომ გადაწყვიტა.

სასკოლო არდადეგები კორონავირუსის გავრცელების საპრევენციოდ 4 მარტს გამოცხადდა და 16 მარტს უნდა განახლებულიყო. ამ პერიოდის განმავლობაში სასწავლო დაწესებულებებში დეზინფექციის სამუშაოები ტარდებოდა.