რუსეთის პეზიდენტი არ გამორიცხავს, რომ სომხეთი და რუსეთი ურთიერთანგარიშსწორებას ეროვნული ვალუტით დაიწყებენ

რუსეთის ფედერაციის პრეზიდენტი ვლადიმირ პუტინი არ გამორიცხავს, რომ რუსეთი და სომხეთი ურთიერთ ანგარიშსწორებას ეროვნული ვალუტით დაიწყებენ – ანუ დრამებითა და რუბლებით, რაც   ვაჭრობის გაფართოებასა და დივერსიფიკაციას შეუწყობს ხელს.

ვლადიმირ პუტინი ამის შესახებ სომხეთის პრეზიდენტთან შეხვედრის შედეგების შეჯამებისას ლაპარაკობდა.

ამასთანავე, ჯერ კიდევ ევრაზიული ეკონომიკური კავშირის შექმნის მომენტიდან განიხილება ორგანიზაციის წევრ-ქვეყნებში ერთიანი ვალუტის დანერგვის მიზანშეწონილობა.

სომხეთის პოლიტიკური და საერთაშორისო კვლევების ცენტრის ექსპერტი რუბენ მეგრაბიანი მიიჩნევს, რომ ერთიანი ვალუტის შექმნის მიზანი ეკონომიკური განვითრება კი არ არის, არამედ პოლიტიკური საკითხია – ევრაზიული ეკონომიკური კავშირის   საბჭოთა კავშირად გადაქცევის პუტინისეული იდეა.

ეკონომისტ ტატულ მანასარიანის აზრით, ერთიანი ვალუტა უნდა ჰქონდეთ ისეთ ქვეყნებს, რომლებმაც ეკონომიკური ინტეგრაციის უმაღლეს, მეოთხე დონეს მიაღწიეს. მანამდე უნდა ჩამოყალიბდეს: 1. თავისუფალი სავაჭრო ზონა; 2. საბაჟო კავშირი; 3. საერთო ბაზარი. ვიდრე ეკონომიკური,სოციალური, საგადასახადო-საბიუჯეტო პოლიტიკის უნიფიცირება არ მოხდება, ერთიან ვალუტაზე გადასვლა გაძნელდება.

ვიზიტის დროს სომხეთის პრეზიდენტი რუსეთის ფედერაციის პრემიერ-მისნისტრს დმიტრი მედვედევსაც შეხვდა.

მევედევმა აღნიშნა, რომ მიმდინარე პრობლემების მიუხედავად, ორ ქვეყანას შორის სავაჭრო ბრუნვამ იმატა. კერძოდ, გაიზარდა სომხეთიდან რუსეთში ექსპორტირებული სასოფლო-სამეურნეო პროდუქტების მოცულობა. რუსეთის პრემიერის აზრით, სომხეთიდან ექსპორტის ზრდა იმაზე მეტყველებს, რომ რესპუბლიკის ინტეგრაციას უკვე მოაქვს თავის ნაყოფი“. არსებითად, საუბარია  სომხეთის მხრიდან ევრაზიული ეკონომიკური კავშირის წევრობაზე.