კორონავირუსი: რა ხდებოდა 28 თებერვალს. ყველა ფაქტი და ციფრი

ძირითადი წყარო: ბი-ბი-სი

• მსოფლიო ჯანდაცვის ორგანიზაციამ შეცვალა გლობალური რისკის მაჩვენებელი და მას “ძალიან მაღალი” სტატუსი მიანიჭა.

• 28 თებერვლისთვის კორონავირუსით გარდაცვლილია 2 867 ადამიანი.

• სულ მსოფლიოს მასშტაბით კლინიკურად დადასტურებულია 83, 867 შემთხვევა.

• საქართველოში 2 დადასტურებული შემთხვევაა. 50 წლამდე მამაკაცი ირანიდან შემოვიდა, 31 წლის ქალი – იტალიიდან. ქალი “საქართველოს ბანკის” ერთ-ერთ ფილიალში მუშაობდა. ახლა ეს ფილიალი დაკეტილია კარანტინის გამო.

• “კორონავირუსი გავრცელდება ძალიან ბევრ ქვეყანაში, თუ ყველაში არა” – ამბობს კრისტიან ლინდმეიერი, მსოფლიო ჯანდაცვბის ორგანიზაციის წარმომადგენელი.

• Reuters-ის გამოთვლით 5 ტრილიონი დოლარი ზარალი უკვე მიადგა მსოფლიო ეკონომიკას.

• ეს იყო ყველაზე ცუდი კვირა საფონდო ბირჟებისთვის 2008 წლის ფინანსური კრიზის შემდეგ.

• Covid-19 უკვე გავრცელდა ყველა კონტინენტზე ანტარქტიდის გარდა.

• 28 თებერვალს ვირუსის პირველი შემთხვევები დადასტურდა ნიგერიაში, მექსიკაში, აზერბაიჯანში, ახალ ზელანდიაში, ნიდერლანდებში, ლიტვაში, ბელარუსში, ისლანდიაში.

•აზერბაიჯანში გამოვლენილი ინფიცირებული რუსეთის მოქალაქეა. ის ირანიდან ჩავიდა აზერბაიჯანში. აზერბაიჯანს არ აქვს დაკეტილი საზღვარი ირანთან. საქართველოს და სომხეთს – კი.

• სომხეთი საქართველოს ერთადერთი მეზობელი ქვეყანაა, სადაც კორონავირუსი ჯერ არ გამოუვლენიათ.

• აფრიკაში და ბრაზილიაში ვირუსი იტალიიდან შევიდა.

• ირანში განსაკუთრებით მძიმე მდგომარეობაა – ეს ქვეყანა, სავარაუდოდ, მალავს ოფიციალურ მონაცემებს. ოფიციალურად ამბობენ, რომ 34 ადამიანი დაიღუპა. წყარომ ირანის ჯანდაცვიდან უთხრა ბიბისის, რომ სულ მცირე 210-ია გარდაცვლილი.

• კორონავირუსით გარდაიცვალა პირველი ბრიტანელი. ის იმ ცნობილი გემის “diamond princess”-ის მგზავრი იყო.

•კორონავირუსის გავრცელების საფრთხის გამო რუმინეთის მართლმადიდებელმა ეკლესიამ მოუწოდა მორწმუნეებს არ აკოცონ ეკლესიაში ხატებს და ასევე ეზიარონ პერსონალური და არა საერთო კოვზით.

• თვითიზოლაციაში იმყოფება მონღოლეთის პრეზიდენტი. ის ახლახან ჩინეთიდან დაბრუნდა, სადაც ჩინეთის ლიდერს სი ძინპინს შეხვდა. ის პირველი და ერთადერთი ლიდერია, რომელიც ჩინეთში ჩავიდა კორონავირუსის აფეთქების შემდეგ.

• კარგი ამბავი – 28 თებერვალს ყველაზე ცოტა (327) ინფიცირებული გამოვლინდა ჩინეთში. ძირითადად უჰანში.

• ცუდი ამბავი – კვლავ იზრდება ინფიცირებულთა რიცხვი ჩინეთს მიღმა და ჩნდება ახალი კერები.

• სამხრეთ კორეაში ჩინეთის შემდეგ ყველაზე მეტი ინფიცირებულია.

• რომის პაპი ფრანცისკე თავს შეუძლოდ გრძნობს და სახლიდან მუშაობს. ბოლო მსახურების დროს მას ახველებდა. ახალგაზრდობაში ფრანცისკეს ავადმყოფობის გამო ფილტვის ნაწილი ამოჭრილი აქვს.

• იტალია ევროპაში კორონავირუსის გავრცელების მთავარი კერაა. აქ 655 ინფიცირებული და 17 გარდაცვლილია.