კოსტა და კარინა ღებავენ სახლებს, ღობეებსა და მიტოვებულ ქვესადგურებს. ისინი პირველი არტკლუბის გახსნისათვის ემზადებიან " />

როგორ ცვლის სტრიტარტი ცხინვალს

კოსტა და კარინა ღებავენ სახლებს, ღობეებსა და მიტოვებულ ქვესადგურებს. ისინი პირველი არტკლუბის გახსნისათვის ემზადებიან

street art is changing South Ossetia
Slider
Image is not available
სტრიტარტი სამხრეთ ოსეთისთვის ჯერჯერობით სიახლეა. კოსტა ჯოითი და კარინა ძიგოევა - აქ, ალბათ, ერთადერთი ხელოვანები არიან, რომლებიც გრაფიტით არიან დაკავებული. ისინი ერთად სწავლობდნენ ადგილობრივ ხელოვნების ლიცეუმში, ახლა კი ერთად მუშაობენ კულტურის სამინისტროში. კოსტა პროფესიით ქორეოგრაფია, კარინა კი - არქიტექტორი.
Slider
Image is not available
კოსტამ ორი წლის წინ გაუკეთა ორგანიზება სამხრეთ ოსეთში სტრიტარტის პირველ ფესტივალს. მაშინ ჩამოვიდნენ ხელოვანები ვლადიკავკაზიდან და მოსკოვიდან და ადგილობრივებთან ერთად მოხატეს შენობების კედლები. მათ კლიპიც კი გადაიღეს ამ ფესტივალთან დაკავშირებით:
Slider
Slider
Slider
„შენობის კედელზე, შავ ფონზე მწერებს ვხატავდით, ამ დროს ჩვენთან მეზობელი ბებიების დელეგაცია მოვიდა. ერთ-ერთმა გვითხრა, რომ ნახატი არ მოსწონს, რომ ის შავი და საშიშია და საერთოდაც, მწერების ეშინია. ჩვენ დაველაპარაკეთ და ის დაგვეთანხმა: კარგი, რაკი სამუშაო ნახევრად გაკეთებულია, ბოლომდე მიიყვანეთ. და ამის შემდეგ ყოველდღე მოდიოდნენ და აკვირდებოდნენ პროცესს“, - ჰყვება კოსტა.
Slider
Slider
Image is not available
კოსტას და კარინას ნამუშევარი მაშინვე ყურადღებას იპყრობს. ეს აფთიაქია, რომელიც ადრე ავტობუსის გაჩერებიდანაც არ ჩანდა. ახლა მასზე მზესუმზირებია დახატული. აფთიაქზე მუშაობა კომერციული შეთავაზება იყო, მაგრამ ხელოვანებს არჩევანის თავისუფლება მისცეს და უბრალოდ სთხოვეს, რომ „ნახატი მკვეთრი ყოფილიყო“.
Slider
Slider
Image is not available
Image is not available
Image is not available
Image is not available
Slider
ყველაზე დიდი თანხა - დაახლოებით, 1,5 ათასი დოლარი - მათ ცნობილი ოსი მხედართმთავრის, ჰაჯი-უმარ მამსუროვის პორტრეტში მიიღეს, რომლის დახატვაც სკოლის კედელზე შესთავაზეს. თუმცა, კოსტას თავისი წილის მიცემა მამისთვის მოუწია, იმდენად, რამდენადაც სამუშაოებისას, მისი სატვირთო მანქანა დააზიანეს, რომელიც ნათხოვარი ჰქონდათ.
Slider
Slider
Image is not available
ყველაზე რთული პროექტი იყო ყვავილები ელექტროქვესადგურის ნახევრად დანგრეულ შენობაზე. „ჩვენ გადავწყვიტეთ მასზე ბევრი მკვეთრი ფერი დაგვეხატა. მოდიოდა დაინტერესებული ადამიანების ტალღები და მათი უმრავლესობა ამბობდა, რომ რამე უფრო სერიოზული უნდა დაგვეხატა. მაგალითად, სამხრეთ ოსეთის დროშა. იყო ერთი მოხუცი ელექტრიკოსიც, რომელიც საერთოდ ამბობდა, რომ ეს ყვავილები - სახიფათო წამოწყება იყო“. ნახატი დიდი წვალებით დაასრულეს.
Slider
Slider
კარინა და კოსტას სამუშაო ღამით იწყება. რთავენ პროექტორს (ნათხოვარს), შერჩეულ კედელზე უშვებენ სურათს, აკეთებენ ესკიზს და დილით უკვე ხატავენ.


მათ ორმა უკვე ბევრი გრაფიტი გააკეთეს ქალაქში. ეროვნულ სამოსში გამოწყობილი მოცეკვავე ოსები, საბჭოთა დროის ცნობილი ოსი გენერლების უზარმაზარი პორტრეტები, უბრალო ბურთები და სასაცილო ცხოველები.
Slider
Slider
Slider
Slider

ავტონაწილების მაღაზიის კედელზე დახატეს ტიპური ოსის პორტრეტი და დაწერეს ცნობილი ოსი მეცნიერის, ირანისტი ვასო აბაევის ციტატა. „იცით, რატომ სწორედ აქ? იმიტომ, რომ სწორედ ამ მაღაზიაში გაჩნდა პირველი წარწერა ოსურ ენაზე. ჩვენ გადავწყვიტეთ, ყველაფერი ჩვენი ხარჯით გაგვეკეთებინა, მაგრამ მფლობელმა მთელი ჩვენი ხარჯი დაფარა, რაც საღებავებსა და სხვა მასალებზე წავიდა“, - ამბობს კოსტა.
Slider
Image is not available
კოსტასა და კარინას გეგმაში აქვთ - კიდევ ჩაატარონ სტრიტარტის ფესტივალი, ჩამოიყვანონ ხელოვანები. ასევე, გაემგზავრონ რაიონებში. ჯერჯერობით ცხინვალის გარეთ მხოლოდ ერთი ნახატი აქვთ - ერთ-ერთი სოფლის ადმინისტრაციამ მათ კოსტა ხეთაგუროვის, კოშკისა და მთების დახატვა დაუკვეთა.
Slider
Slider
კიდევ ერთი პროექტი აქვთ, რომელმაც „ყველაფერი უნდა შეცვალოს“. ქალაქის ხელმძღვანელობა მიტოვებული შენობის გადაცემაზე დათანხმდა, სადაც მათ უკვე დაიწყეს არტგალერეის გაკეთება, რომელსაც „პორტალს“ დაარქმევენ. კოსტამ და კარინამ მისთვის თანხების შეგროვება დაიწყეს. უკვე მოგროვდა შენობის სახურავისა და ფანჯრებისთვის საჭირო თანხა. წინ კიდევ ბევრი სამუშაოა, მაგრამ საწყისი გაფორმება უკვე გაკეთებულია.
Slider
„ძალიან მოგვწონს მუშაობა. ჩვენი სამუშაო რაღაცაზე დამოკიდებულებას ჰგავს. კარგსა და სასარგებლო დამოკიდებულობას“, - ამბობს კოსტა.
Slider
ტექსტში გამოყენებული ტერმინები და ტოპონიმები, ასევე მოსაზრებები და იდეები, ყოველთვის არ ემთხვევა JAMnews-ის და მისი ცალკეული თანამშრომლების პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო

ასევე წაიკითხეთ