ნაკლები სამომხმარებლო კალათა, მაგრამ ადრინდელზე უკეთესი " />

აზერბაიჯანში სოციალური შემწეობები ორჯერ და მეტად მოიმატებს

ნაკლები სამომხმარებლო კალათა, მაგრამ ადრინდელზე უკეთესი

აზერბაიჯანში სოციალური შემწეობები შეზღუდული შესაძლებლობების პირებისა და ბავშვებისთვის გაიზარდა. კანონი ძალაში 2019 წლის 1 აპრილიდან შევა.

• როგორ მოითხოვდნენ აზერბაიჯანში შეზღუდული შესაძლებლობების პირები შემწეობის გაზრდას

• სოციალური მხარდაჭერა სამხრეთ ოსეთის მოსახლეობისთვის

ციფრები

მაგალითად:

– შშმ პირებისთვის ხარისხის მიხედვით, შემწეობა ახლა $88, $76 და $65-ს შეადგენს; წინათ ეს შესაბამისად – $48, $36 და $31-ს შეადგენდა.

– შემწეობა 18 წლამდე ასაკის ჯანმრთელობის შეზღუდული შესაძლებლობის მქონე ბავშვებისთვის – $88 (იყო $48)

– შემწეობა ხუთზე მეტ შვილიანი ქალებისთვის – $32 თითოეულ შვილზე (იყო $19).

– შემწეობა ბავშვის გაჩენისთვის – $118 ($64)

– პრეზიდენტის პრემია ომის ვეტერანებისთვის, ინვალიდობის ხარისხის მიხედვით – $147, $124 და $93 (იყო – $107, $93 და $71).

ამ ყველაფრისთვის ბიუჯეტიდან 300 მილიონი მანათია (დაახლოებით $176 მილიონი) გამოყოფილი.

ექსპერტის მოსაზრება

ეკონომისტი თორღულ მაშალი მიიჩნევს, რომ ეს მატება მართლაც გააუმჯობესებს იმ ადამიანების მატერიალურ მდგომარეობას, რომლებსაც ის ეხება. თუმცა, მეორე მხრივ, აზერბაიჯანში სამომხმარებლო კალათის ღირებულება ოფიციალურად $106-ს შეადგენს (ინვალიდობისთვის განკუთვნილ მაქსიმალურ შემწეობაზე მეტს)

„თუმცა, ასე მგონია, რომ ამ შემწეობით ცოტა თუ ცხოვრობს, – ამბობს მაშალი, – გარდა ამისა, ამ და ახლახან მიღებულ სხვა სოციალურ ზომებს სახელმწიფოს ბიუჯეტში მორიგი ცვლილებების მოხდენა შეუძლია და, გონივრული გეგმისა და მიზნის არარსებობის შემთხევაში, შესაძლოა, ინფლაცია გამოიწვიოს. როგორც ჩანს, შემწეობების გაზრდა დაგეგმილი არ იყო. წესით, ფასების მკვეთრი ზრდა რომ არ დავუშვათ, მათი რეგულირება საბაჟო გადასახადების, იაფი სესხებისა და სხვა ინსტრუმენტების საშუალებით უნდა მოხდეს“.

სოციალური ქსელები

ეს ცნობა სოციალური ქსელების მომხმარებლებმაც ენთუზიაზმის გარეშე მიიღეს:

როგორ უნდა იარსებოს უმუშევარმა ინვალიდმა 88 დოლარად?!“ ;

„ ო, რა ბევრია! რას აკეთებთ, არ გინდათ, ხაზინა ამდენ დანაკლისს ვერ გაუძლებს!“;

თუმცა, თავად შემწეობის ზრდის „ადრესატებს“ ეს სიახლე ახარებთ, და ამბობენ, რომ „ეს მაინც ადრინდელზე უკეთესია.“


ასევე წაიკითხეთ