ორივე ქვეყნის ექსპერტები პრაქტიკულ შედეგებს ჯერჯერობით არ ელოდებიან " />

სომხეთისა და აზერბაიჯანის საგარეო საქმეთა მინისტრები ერთმანეთს პარიზში შეხვდნენ

ორივე ქვეყნის ექსპერტები პრაქტიკულ შედეგებს ჯერჯერობით არ ელოდებიან

სომხეთისა და აზერბაიჯანის საგარეო საქმეთა სამინისტროების ხელმძღვანელები ზოგრაბ მნაცკანიანი და ელმარ მამედიაროვი ორი ქვეყნის მოსახლეობის მშვიდობისთვის მომზადებაზე შეთანხმდნენ.

შეხვედრა პარიზში შედგა, მასში ეუთოს მინსკის ჯგუფის თანათავმჯდომარეები მონაწილეობდნენ.

მნაცკანიანისა და მამედიაროვის მეოთხე შეხვედრა

სომხეთისა და აზერბაიჯანის საგარეო პოლიტიკური უწყებების ხელმძღვანელთა შეხვედრა ოთხ საათზე მეტ ხანს გრძელდებოდა.

ოფიციალურ ცნობაში ნათქვამია, რომ მინისტრებმა ყარაბაღის კონფლიქიტთან დაკავშირებული საკითხების ფართო წრე მიმოიხილეს, და მოლაპარაკებათა პროცესის ამჟამინდელი ეტაპის ძირითად პრინციპებსა და პარამეტრებს შეეხნენ.

ეუთოს მინსკის ჯგუფის თანათავმჯდომარეებთან ერთად ზოგრაბ მნაცკანიანმა და ელმარ მამედიაროვმა ორი ქვეყნის ლიდერების შეხვედრის მოსამზადებელი ნაბიჯების შესახებაც იმსჯელეს.

სომეხი ექსპერტები გარღვევას არ ელოდებიან

სომხეთში ექსპერტები სომხეთისა და აზერბაიჯანის საგარეო საქმეთა სამინისტროების ხელმძღვანელთა განცხადებას საკმაოდ სკეპტიკურად ეკიდებიან.

პოლიტიკური მიმომხილველი აკოპ ბადალიანი აღნიშნავს, რომ ყარაბაღის კონფლიქტთან დაკავშირებული მოლაპარაკებების პროცესი კონსენსუსის პრინციპს ეფუძნება, მაგრამ შექმნილ სიტუაციაში ეს პრინციპი არ მუშაობს:

 „ამ პრობლემას კომპრომისული გადაწყვეტა არ გააჩნია. ეს პრინციპი მხოლოდ პრობლემის გაკონტროლების იმედს იძლევა. მაგრამ იმის დაჯერება, რომ კომპრომისული გადაწყვეტილება არსებობს – გულუბრყვილობაა. ორივე მხარე ამ პრობლემატიკას სახელმწიფოებრივ საკითხად აღიქვამს. განცხადება იმის შესახებ, რომ აუცილებელია ხალხის მშვიდობისთვის მომზადება, იმის სიგნალად უნდა აღვიქვათ, რომ პრობლემა უახლოეს ხანში არ გადაწყდება.

ეს შესაძლოა განიმარტოს იმის მცდელობად, რომ ხალხები ამჟამად შექმნილ სიტუაციასთან ადაპტირდნენ. რათა არ არსებობდეს ილუზიები იმასთან დაკავშირებით, რომ კომპრომისული გადაწყვეტის მიღწევა შესაძლებელია. აპრილის ომის შემდეგ [საუბრობს 2016 წლის აპრილში გამყოფ ზოლზე მომხდარი საომარი ქმედებების შესახებ-JAMnews] ცხადი გახდა, რომ დაძაბულობის შესამცირებლად  საჭიროა ნაბიჯების გადადგმა, რათა ორმხრივი უარყოფა შესუსტდეს“.

აზერბაიჯანელი ექსპერტები შეფასებების გაკეთებისას ასევე ფრთხილობენ

აზერბაიჯანელი ექსპერტები იმაზე თანხმდებიან, რომ რაიმე სწრაფი ცვლილებების შესახებ ლაპარაკი ნაადრევია:

JAMnews-ის პოლიტიკური მიმომხილველი შაჰინ რზაევი:

 „თითოეული მხარე იმედოვნებს, რომ საპირისპირო მხარე პირველ ნაბიჯს გადადგამს, თუმცა, თავად, ასე მგონია, რომ არ აჩქარდება. აზერბაიჯანის მხარე ფაშინიანის ახალ მთავრობაზე გარკვეულ იმედებს ამყარებს, თუნდაც იმიტომ, რომ პირადულად ისეთი მიუღებლობა არ არსებობს, როგორც მოლაპარაკებების წინა სომეხი მონაწილეების მიმართ, და არსებობს ასევე რუსეთის მხრიდან ჰიპოთეტური თანადგომის გარკვეული იმედიც.

 ამგვარი გულწრფელობისთვის მინისტრებმა საკმაოდ უცნაური დრო შეარჩიეს. წინ ხომ თებერვალია – აგრესიული აგიტაციის პიკის თვე – როგორც ერთი, ისე მეორე მხრიდან. სწორედ თებერვალშია სუმგაითსა და ხოჯალიში მომხდარი ტრაგიკული მოვლენების წლისთავები. მეორე მხრივ კი, იქნებ ეს კარგიც არის. საშუალება გვექნება, რომ მინისტრების სიტყვების სერიოზულობა საქმის მიხედვით შევაფასოთ. 

 სომხური მხარე, რასაკვირველია, დაინტერესბულია აზერბაიჯანის მხრიდან რევანშისტული რიტორიკის შემცირებით. მაგრამ ეს ყველაფერი მხოლოდ მაშინ იმუშავებს, თუკი მხარეებს შეთანხმებული მოქმედებების გეგმა აქვთ, ამის დაჯერება კი რთულია. მხარეებმა ან ერთდროულად და ეტაპობრივად უნდა იმოქმედონ, ანდა არაფერი გამოვა. პირველი ნაბიჯის ცალმხრივად გადამდგმელი რეიტინგს ძალიან სწრაფად დაკარგავს, ძალაუფლების დაკარგვამდეც კი”.

Facebook Comments

ასევე წაიკითხეთ