"70 წელია, მსგავსი არაფერი მინახავს" - წყალდიდობა აფხაზეთში
წყალდიდობა აფხაზეთში
აფხაზეთში მცხოვრები ხანდაზმული ადამიანები იხსენებენ, რომ ასეთი ძლიერი წვიმები და გაჭიანურებული წყალდიდობა, 70 წელია არ მომხდარა. უპრეცედენტო სიმძლავრის თავსხმის გამო, 10 ივლისს, შუა დღისთვის, მთელი სანაპირო ზოლი წყლით დაიფარა. თან, საკმაოდ ღრმა წყლით.
გაირეცხა გზები, მათ შორის რკინიგზა. გაითიშა ელექტროენერგია და შეწყდა წყალმომარაგება.
ამ დღეს მსხვერპლის გარეშე არ ჩაუვლია. მოსკოველი დამსვენებელი ქალი აზვირთებულმა წყალმა მდინარე ბზიბის მღელვარე ნაკადში ჩააგდო. ქალს ამ დრომდე ვერ პოულობენ.
ძლიერი წვიმა შაბათს დაიწყო და ხანმოკლე შესვენებებს თუ არ ჩავთვლით, ორშაბათის ჩათვლით გრძელდება. აფხაზეთის ტერიტორიაზე თითქმის ყველა მდინარე ადიდდა.
ყველაზე მეტად რესპუბლიკის დასავლეთი ნაწილი დაზარალდა, სადაც კურორტებისა და სასტუმროების უმეტესობაა თავმოყრილი.
თითქმის მთლიანად წყალშია ცნობილი კურორტები გაგრა და ბიჭვინთა. ასევე დაიტბორა სოხუმი, გუდაუთა, ოჩამჩირე და გულრიფში.
- „წადით მერე ევროპაში, ვინ გიშლით?“ რიწის ტბა და მისი ტურისტები
- რუსი ინვესტორი სოხუმის აეროპორტს თავისთვის ყველაზე ხელსაყრელი პირობებით აღადგენს
- აფხაზეთში ბინების შესახებ კანონი: “ბომბი აფხაზეთ-რუსეთის ურთიერთობებისთვის?”
რკინიგზის ლიანდაგების ეროზიის გამო მატარებლების მოძრაობა შეჩერებულია. წყლის უზარმაზარი ნაკადების გამო პერიოდულად წყდება მოძრაობა მთავარ მაგისტრალზეც.
რამდენიმე ასეული კერძო სახლი მთლიანად დაიტბორა.
იქ, სადაც წყალმა უკან დაიხია, ტალახი, აყრილი ასფალტი და ქვების გროვა დარჩა.
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
