სპეცრაზმი ისევ სასტიკად არბევს აქციის მონაწილეებს. მასშტაბური პროტესტის მეორე ღამე. ფოტო/ვიდეო

სპეცრაზმი ისევ არბევს აქციას

საქართველოში, თბილისში, რუსთაველის გამზირზე, პარლამენტთან, სადაც მეორე ღამეა ათასობით ადამიანი აპროტესტებს ხელისუფლების გადაწყვეტილებას – გაწყვიტოს მოლაპარაკებები 2028 წლამდე ევროკავშირთან, სპეცრაზმმა ისევ დაიწყო აქციის დარბევა.

აქციის მონაწილეების წინააღმდეგ იყენებენ წყლის ჭავლს, წიწაკის სპრეის. კადრებში ჩანან დაშავებული ადამიანები. ისინი ამბობენ, რომ ისვრიან რეზინის ტყვიებსაც.

"არ აწიოთ ხელი მოქალაქეებზე" – პრეზიდენტის მიმართვა ძალოვან უწყებებს. მასშტაბური პროტესტის მეორე დღე

პრეზიდენტმა ახსენა საჯარო უწყებებში დაწყებული პროტესტის ტალღაც და თქვა, რომ ეს არის ძალიან დიდი მოძრაობა

სპეცრაზმი ფიზიკური ძალის გამოყენებით აკავებს მოქალაქეებს. ისინი ჯგუფებად იტაცებენ ადამიანებს, ძირს ათრევენ და ისე აკავებენ.

მედიაში გავრცელებული კადრებიდან ჩანს, რომ დააკავეს იურისტი ბექა ბასილაია მაშინ, როდესაც ის “TV პირველის” ჟურნალისტს ინტერვიუს აძლევდა.

დაშავდა ღია საზოგადოების ფონდის“ იურისტი საბა ბრაჭველი. იგი ამბობს, რომ სპეცრაზმისგან გასროლილი რეზინის ტყვია მოხვდა. მას თვალის არეში აქვს დაზიანება.

“ტვ პირველთან” საუბარში იგი იხსენებს, რომ სპეცრაზმთან 100 მეტრის მოშორებით იდგა, რა დროსაც რეზინის ტყვია გაისროლეს და მას მოხვდა:

“სასწრაფო დახმარების ეკიპაჟმა დახმარება გამიწია. ჩიტაძეზე დაიწყეს ფოტოების და ვიდეოების გადაღება. ცხადია, ვიცით ეს რას ნიშნავს, როდესაც ამას აკეთებენ პოლიციელები…

ავედით პარლამენტის მეორე მხარეს ინგროყვას ქუჩაზე. ვიყავი მინიმუმ 100 მეტრის მოშორებით სპეცრაზმთან, წყლის ჭავლი რომ გაუშვეს, გაისროლეს ერთი ცალი ტყვია და მომარტყეს თვალთან, არა თვალში, გადავრჩი – წარბი და ლოყა მაქვს დაზიანებული”, – ჰყვება ბრაჭველი .

ისევ სამიზნე არიან ჟურნალისტები და ოპერატორები.

„ტელეკომპანია პირველის“ ჟურნალისტმა მარიამ გაფრინდაშვილმა საპროტესტო აქციის გაშუქებისას, პარლამენტის გვერდით, თავის არეში მიიღო დაზიანებები; იგი მძიმე დაზიანებით ინგოროყვას კლინიკაში გადაიყვანეს;