საქართველოში ინფიცირების სტატისტიკა იზრდება - 298 ახალი შემთხვევა

ბოლო 24 საათში, საქართველოში კორონავირუსით ინფიცირების 298 ახალი შემთხვევა დადასტურდა, გარდაიცვალა 3 ადამიანი. კრიტიკულად 25 პაციენტი ითვლება.

ბოლო მონაცემებით საქართველოში:

• კორონავირუსის დადასტურებული შემთხვევა – 5552
• გამოჯანმრთელებული – 2054
• გარდაცვლილი – 31
• კარანტინის რეჟიმში – 5637
• სტაციონარში მეთვალყურეობის ქვეშ – 836
• კოვიდ სასტუმროში მყოფი პირები – 800
• უცხოეთიდან სამკურნალოდ გადმოყვანილია საქართველოს 41 მოქალაქე.

ბოლო სამი გარდაცვლილი პაციენტიდან ორი მკურნალობას აჭარაში გადიოდა. შეგახსენებთ, რომ კოვიდინფიცირების მაღალი მაჩვენებლის გამო აჭარაში შეიზღუდა საზოგადოებრივი ტრანსპორტის და კაფე-რესტორნების მუშაობა.