საქართველოში covid-19-ის 15-მდე კლასტერია

ბოლო 24 საათში საქართველოში covid-19-ის 3 ახალი შემთხვევა გამოვლინდა.

9 მაისის მონაცემებით, საქართველოში კორონავირუსით ინფიცირების 626  შემთხვევაა დადასტურებული. კარანტინის რეჟიმშია 4702 ადამიანი, ხოლო სტაციონარში მეთვალყურეობის ქვეშ – 459 პირი. კორონავირუსით ინფიცირებულთაგან 297 გამოჯანმრთელდა და 10  გარდაიცვალა. 

უცხოეთიდან საქართველოში სამკურნალოდ გადმოყვანილია  კორონავირუსით ინფიცირებული საქართველოს 3 მოქალაქე.

დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, საქართველოში, covid-19-ის 15-მდე კლასტერია.

შემთხვევათა 33%  – სულ 198 შემთხვევა ქვემო ქართლზე მოდის. 

“განსაკურთებით მაღალი დასენიანება გვაქვს ბოლნისში – 117, შემდეგ თეთრიწყაროში – 48, მარნეულში – 33,” – ამბობს გამყრელიძე. 

• კორონავირუსი უჰანის ლაბორატორიიდან? რაში ადანაშაულებს დასავლეთი ჩინეთს
• პანდემია – შანსი მმართველი პარტიისთვის? საუბარი თორნიკე შარაშენიძესთან და კორნელი კაკაჩიასთან
• საქართველო: პანდემია, როგორც რუსეთზე ეკონომიკური დამოკიდებულების შემცირების შანსი

რეგიონში კორონავირუსზე კვლევა უკვე 2000-ზე მეტ ადამიანს ჩაუტარდა. 

დაიხურა „ქობულეთის კლასტერი“, სადაც ბოლო 10 დღის განმავლობაში კორონავირუსით ინფიცირების ახალი შემთხვევა არ გამოვლენილა. ამ კლასტერში covid-19  34 ადამიანს დაუდგინდა. 

კორონავირუსით ინფიცირების პირველი შემთხვევა საქართველოში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი – საყოველთაო კარანტინის რეჟიმი.