საქართველოს პრეზიდენტი პარიზში დონალდ ტრამპს და ევროპელ ლიდერებს შეხვდა
სალომე ზურაბიშვილი და დონალდ ტრამპი
პრეზიდენტი სალომე ზურაბიშვილი პარიზში აშშ-ს არჩეულ პრეზიდენტს, დონალდ ტრამპსა და საფრანგეთის პრეზიდენტს, ემანუელ მაკრონს შეხვდა.
პარიზში, ხუთი წლის წინ გაჩენილი ხანძრის შემდეგ რესტავრირებული ნოტრ-დამის გახსნის ცერემონიას 40-მდე ქვეყნის მთავრობის ლიდერი დაესწრო.
ამის შესახებ პრეზიდენტი ის X-ზე წერს და დისკუსიის კადრებს ავრცელებს.
“სიღრმისეული დისკუსია პრეზიდენტებთან ტრამპთან და მაკრონთან. ვამხილე მოპარული არჩევნები და უკიდურესად საგანგაშო რეპრესია ქართველი ხალხის წინააღმდეგ. ხაზი გავუსვი ძლიერი აშშ-ს საჭიროებას. ქართველ ხალხს დონალდ ტრამპის სახით მეგობარი ჰყავს. ღმერთმა დალოცოს ამერიკის შეერთებული შტატები”. – წერს პრეზიდენტი.
მანამდე, ზურაბიშვილი ასევე ამერიკელ ბიზნესმენს ილონ მასკს შეხვდა, რომელიც ტრამპმა მომავალ ადმინისტრაციაში მთავრობის ეფექტიანობის ხელმძღვანელად დაასახელა.
“ბრწყინვალე საუბარი მქონდა ილონ მასკთან საქართველოში არსებულ ვითარებაზე. მოუთმენლად ველი მას ჩვენს ქვეყანაში”. – წერს ზურაბიშვილი.
პრეზიდენტი სალომე ზურაბიშვილი საქართველოში მიმდინარე მოვლენებთან დაკავშირებით იტალიის პრემიერმინისტრ ჯორჯია მელონისაც ესაუბრა. ამის შესახებ ზურაბიშვილი X-ზე წერს.
“შესანიშნავი საუბარი მქონდა პრემიერმინისტრ ჯორჯია მელონისთან. ვამხილე საქართველოში მიმდინარე საგანგაშო რეპრესიები. მადლობა გადავუხადე მას ქართველი ხალხის მხარდასაჭერად, იტალიის მიერ მხარდაჭერილი, ევროკავშირის ძლიერი და გადამწყვეტი ქმედებისთვის. მადლობა იტალია.”- სალომე წერს ზურაბიშვილი.
პარიზში სალომე ზურაბიშვილი უკრაინის პრეზიდენტ ვოლოდიმირ ზელენსკისაც შეხვდა.
პრეზიდენტის ადმინისტრაციის მიერ გავრცელებული ინფორმაციით, საქართველოს პრეზიდენტთან შეხვედრისას უკრაინის პრეზიდენტმა ქართველ ხალხს სრული მხარდაჭერა გამოუცხადა.
„შესანიშნავი საუბარი მქონდა ილონ მასკთან საქართველოში შექმნილ სიტუაციაზე. მოუთმენლად ველი მას ჩვენს ქვეყანაში.“ – წერს პრეზიდენტი.
