რა არის უარესი: უკრაინული რაკეტა თუ პუტინის რისხვა? მოსაზრება აფაზეთიდან

რუსული სამხედრო ბაზა აფხაზეთში

ვოლოდიმირ ზელენსკიმ განაცხადა, რომ უკრაინა თავს არ შეიკავებს აფხაზეთში რუსეთის სამხედრო გემებზე თავდასხმისგან. კიევის მხრიდან რაიმე სხვა რეაქცია ძნელად წარმოსადგენი იყო. თუმცა, აფხაზეთის ხელისუფლების შეთანხმება შავი ზღვის ფლოტის ბაზის ოჩამჩირის პორტში განთავსებაზე ასევე ერთადერთი შესაძლო ვარიანტი იყო. იმიტომ, რომ აფხაზეთს რუსეთის გარდა სხვა მოკავშირე, დამცველი და დონორი არ ჰყავს.

„ჩვენი მოკავშირის პოზიცია აქ ძალიან მნიშვნელოვანია. ჩვენ ვიმოქმედებთ როგორც ერთიანი ფრონტი ამ საკითხში. მშვიდობისა და ომის საკითხები ისაა, რაც არასდროს ტოვებს ჩვენი ორმხრივი კონტაქტების დღის წესრიგს. ამიტომ, საზღვაო ლოგისტიკური ბაზა განლაგდება ოჩამჩირის პორტში.“ – განაცხადა ასლან ბჟანიამ გასულ კვირას, ანუ ზელენსკის მუქარამდე.

არ მგონია, რომ სოხუმმა არ გათვალა კიევის რეაქცია. რესპუბლიკის ხელმძღვანელობას ნათლად ესმოდა, რომ აფხაზეთის ნაპირზე ნაპირზე რუსული სამხედრო ფლოტის მოსვლით, არსებობდა რეალური რისკი იმისა, რომ ოჩამჩირე სამიზნე მაინც გამხდარიყო უკრაინულირაკეტებისთვის – მაგრამ აფხაზეთის ხელისუფლება სხვაგვარად არ შეეძლო.

• უკრაინის დაზვერვა: რუსეთს სამხედრო ფლოტის ნაწილი ყირიმიდან ოჩამჩირეში გადაჰყავს
• კომენტარი აფხაზეთიდან სამხედრო ბაზაზე: ეს არის უსაფრთხოების გარანტი და გადაწყვეტილება დღეს არ მიღებულა
• რატომ არ ემუქრება აფხაზეთს მთიანი ყარაბაღის ბედი? მოსაზრება სოხუმიდან

დიახ, რა თქმა უნდა, ასლან ბჟანიას ჰქონდა ჰიპოთეტური შესაძლებლობა „არა“ ეთქვა. უფრო მეტიც, პირადად ვლადიმირ პუტინისთვის თვალი აეხვია, მაგრამ დღევანდელ ვითარებაში ეს მისი პირიდან სრულ სისულელედ ჟღერს და ძალიან სერიოზულ შედეგებამდე მიგვიყვანს..

რა არის უარესი: რისკი, რომ დროდადრო უკრაინული დრონი დაფრინავს ან ცურავს ოჩამჩირეში, თუ კრემლი რომ დაგვიკიდებს?

აფხაზეთმა რუსეთზე უარი რომ თქვას, საუკეთესო შემთხვევაში დაკარგავს ფინანსურ მხარდაჭერას და ამავდროულად, რუს ტურისტებს. ეს კატასტროფაა იქნება.

და არც კი მინდა ვიფიქრო იმაზე, თუ რა შეიძლება მოხდეს უარეს შემთხვევაში – გლობალური შტორმის პირობებში აფხაზეთს ყველაფერი შეიძლება დაემართოს (როგორც, მაგალითად, მთიან ყარაბაღს).

ზოგადად, ასლან ბჟანია პუტინზე უარს ვერ იტყოდა ბაზებზე, თუნდაც უკრაინული თვითმფრინავები ყოველდღე ბომბავდნენ ოჩამჩირეს.

სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო