ყარაბაღი, ბრძოლა გრძელდება. ახალი ამბები, 2 ნოემბერი, 2020

სომხეთი ნაღმტყორცნებსა და ცეცხლსასროლ იარაღს იყენებს სომხეთ-აზერბაიჯანის საზღვარზე, აზერბაიჯანული პოზიციების წინააღმდეგ. კერძოდ, სროლები ხორციელდება ნოემბრიანის, ბარდისა და ვარდენისის რაიონებიდან ყაზახის, თოვუზისა და დაშქესანის რაიონების მიმართულებით, – აცხადებს აზერბაიჯანის თავდაცვის სამინისტრო.

სომხეთის საგარეო საქმეთა სამინისტრო ამტკიცებს, რომ რეკრუტირებისა და ყარაბაღში ახლო აღმოსავლეთის „ცხელი წერტილებიდან“ ჯიჰადისტი მებრძოლების გადასროლის ფაქტი, „დამტკიცებულია ეუთოს მინსკის ჯგუფის თანათავმჯდომარე ქვეყნების სპეცსამსახურების, ჩვენი მრავალრიცხოვანი პარტნიორებისა და საერთაშორისო თანამეგობრობის მიერ, ასევე, თავად ტერორისტების პირდაპირი მტკიცებულებებით“.

„საუბარია თურქეთისა და აზერბაიჯანის ხელისუფლებების განზრახვაზე, გახადონ კონფლიქტი რელიგიათაშორისი“.

განცხადებაში ასევე ნათქვამია, რომ სომეხმა სამხედროებმა ტყვედ აიყვანეს უკვე მეორე უცხოელი „ბოევიკი-ტერორისტი“, რომელიც აზერბაიჯანმა ყარაბაღის წინააღმდეგ საბრძოლველად ჩამოიყვანა.

• ყარაბაღის კონფლიქტის ზონაში 2020 წლის 1 ნოემბერს განვითარებული მოვლენების მიმოხილვა, აზერბაიჯანისა და სომხეთის მხარეების ცნობების თანახმად