ყარაბაღი, ბრძოლა გრძელდება: 29 ოქტომბერი

მტერი შუშადან 5 კილომეტრშია – განაცხადა ყარაბაღის პრეზიდენტმა არაიკ არუთუნიანმა მოსახლეობისადმი მიმართვისას. მისი თქმით, ახლა აზერბაიჯანი საომარ მოქმედებებს აწარმოებს არა მხოლოდ ფრონტის მთელ ხაზზე, არამედ, სერიოზული სამხედრო რესურსები ჩართო სწორედ შუშას მიმართულებით. პრეზიდენტმა ადამიანებს გაერთიანებისკენ მოუწოდა, რათა არ დაუშვან ქალაქის წართმევა:

„ბაქოს ქალაქ შუშის დაპყრობა სურს – სომხეთის გამარჯვების სიმბოლოსი… ჩვენ, რამდენიმე დღის განმავლობაში უნდა გადავტეხოთ ომის ბედი და დავსაჯოთ მტერი სწორედ შუშასთან“.

კიდევ ხუთი სომეხი სამხედრო ტყვის შესახებ

ამის შესახებ იუსტიციის ყოფილმა მინისტრმა, ევროპის ადამიანის უფლებათა სასამართლოში, სომეხი სამხედრო მოსამსახურეების ოჯახების წარმომადგენელმა, არტაკ ზეინალიანმა განაცხადა. სასამართლომ აზერბაიჯანს დაავალა, 3 ნოემბრამდე წარმოადგინოს ინფორმაცია სამხედრო ტყვეების ჯანმრთელობის მდგომარეობის, ადგილსამყოფელისა და დაკავების პირობების შესახებ. საქმე ევროპის სასამართლოს 27 სექტემბერს გადაეცა. ტყვეების სახელებია – სამველ ასატრიანი, ალბერტ მიქაელიანი, ედიკ ტონოიანი, ვალერი აირაპეტიანი და არსენ კარაპეტიანი. ოჯახის წევრებმა ისინი ვიდეოზე ამოიცნეს, რომელიც აზერბაიჯანულმა მედიასაშუალებებმა გაავრცელეს და ევროპის ადამიანის უფლებათა სასამართლოს თხოვნით მიმართეს, მიიღონ სასწრაფო ზომები მათი სიცოცხლის დასაცავად და არაადამიანური მოპყრობის გამოსარიცხად. ბოლო ოფიციალური მონაცემებით, სომხეთში ცნობილია 17 სამხედრო მოსამსახურის შესახებ, რომლებიც აზერბაიჯანში იმყოფებიან.

„დღეს, დაახლოებით, 9:25 საათზე, სომხეთის შეიარაღებულმა ძალებმა არტილერიის გამოყენებით დაბომბეს გორანბოისა და ტერტერის რაიონების ტერიტორია“, – ნათქვამია აზერბაიჯანის თავდაცვის სამინისტროს პრესსამსახურის სასწრაფო განცხადებაში.

სომხეთის თავდაცვის სამინისტროს პრესმდივანმა Facebook-ის საკუთარ გვერდზე დაწერა, რომ გაცვლა მოხდა რუსეთის მიერ შუამავლობისას გამოვლენილი განსაკუთრებული ძალისხმევის, წითელი ჯვრის საერთაშორისო კომიტეტის საველე ჯგუფისა და პირადად ეუთოს მოქმედი თავმჯდომარის პირადი წარმომადგენლის მონაწილეობით.

„სომხური მხარე, რჩება რა ჰუმანიტარული ზავის შეთანხმების ერთგული, მზადყოფნას გამოთქვამს, აზერბაიჯანულ მხარეს გადასცეს აზერბაიჯანელი სამხედრო მოსამსახურეების ცხედრები, რომლებიც ყარაბაღის მხარეს იმყოფებიან, დაიწყოს ფრონტის მთელ ხაზზე, პოზიციათა შორის ტერიტორიებიდან დაღუპულთა ცხედრების ევაკუაციის პროცესი და დაიწყოს სამხედრო ტყვეებისა და მათი გაცვლის შესახებ ინფორმაციის გაცვლის პროცესი“, – წერს შუშან სტეფანიანი.

ადამიანებისა და ცხედრების გადაცემის ოპერაცია ჰუმანიტარული დერეფნის საშუალებით განხორციელდა, რომელიც რუსეთის ხელშეწყობით, ყაზახი-თოვუზის მიმართულებით გაიხსნა. 

უწყების ცნობით, საბრძოლო მოქმედებების დაწყებიდან გარდაიცვალა 90 ადამიანი, 392 – დაიჭრა. დაზიანდა 2406 კერძო სახლი. 

განჯა:

აზერბაიჯანის საჰაერო სამხედრო ძალების ავიაბაზა, ვერტმფრენების ესკადრილია

შეიარაღებული ძალების გენშტაბის მუდმივად დისლოცირებული მოტომსროლელი ბრიგადა

შინაგანი ჯარების სპეცდანიშნულების ბრიგადა

თავდაცვის სამინისტროს სამეთაურო ცენტრი

შეიარაღებული ძალების გენშტაბის რადიო-ტექნიკური ბატალიონი

თავდაცვის სამინისტროს საწვავ-საპოხი მასალის ბაზა

თავდაცვის მრეწველობის მანქანათმშენებელი ქარხანა, ავიასაშუალებების სარემონტო საწარმო და საარტილერიო შეიარაღების სარემონტო საწარმო

ბარდა:

პირველი არმიის კორპუსის შტაბი

სარემონტო ბატალიონი

კომუნიკაციების ბატალიონი

საზენიტო-სარაკეტო დივიზიონი

სატანკო ბრიგადა

ტანკსაწინააღმდეგო დივიზია.

მეორე თვე ყარაბაღში საბრძოლო მოქმედებების დაწყებიდან

• სომეხი სამხედროების მიერ აზერბაიჯანის ქალაქ ბარდაზე განხორციელებული სარაკეტო თავდასხმის შედეგად, 21 ადამიანი დაიღუპა და 60-ზე მეტი დაიჭრა. ამ საკითხზე, აზერბაიჯანის გენერალური პროკურატურის გავრცელებულ განცხადებაში ნათქვამია, რომ გამოიყენეს საერთაშორისო სამართლით აკრძალული კასეტური საბრძოლო მასალა. სომხეთის თავდაცვის სამინისტრომ თავდასხმის შესახებ ბრალდებები უარყო.

• სომხეთის საგარეო საქმეთა სამინისტრომ აზერბაიჯანი ომის დანაშაულში დაადანაშაულა ახალი სარაკეტო თავდასხმების გამო, რომელიც ყარაბაღში, სტეპანაკერტსა და შუშაზე განხორციელდა. დაბომბვისას დაშავდა სამშობიარო სახლის შენობაც. მსხვერპლის შესახებ ინფორმაცია არ ვრცელდება. აზერბაიჯანის თავდაცვის სამინისტრომ თავდასხმა უარყო.

• განახლებული მონაცემები აზერბაიჯანში, მშვიდობიან მოსახლეობას შორის მსხვერპლის შესახებ: 69 ადამიანი დაიღუპა, 322 – დაიჭრა.

• აზერბაიჯანის პრეზიდენტმა განაცხადა, რომ აზერბაიჯანის არმიის კონტროლქვეშ კიდევ 13 დასახლებული პუნქტი გადავიდა.

• „სომხეთის პოლიტიკის არსი – სურთ, რომ მათი პრობლემები, მათ მაგივრად სხვებმა გადაწყვიტონ. მე ვეუბნები მათ: „სცანით მთიანი ყარაბაღი, იმის ნაცვლად, რომ სხვა ქვეყნებს სთხოვოთ ამის გაკეთება“, – განაცხადა აზერბაიჯანის პრეზიდენტმა ილჰამ ალიევმა რუსულ სააგენტო „ინტერფაქსთან“ ინტერვიუში.

• ახალი ამბები, ფოტო/ვიდეო ყარაბაღში მიმდინარე საბრძოლო მოქმედებებთან დაკავშირებით – 28 ოქტომბერი, 2020