ყარაბაღი, ბრძოლა გრძელდება: 28 ოქტომბერი

….ამიტომ ჩემი საპასუხო მიწოდება მათ მიმართ ასეთია – სცანით მთიანი ყარაბაღი, დღესვე. მე ამის თაობაზე, სხვათა შორის, არც ისე დიდი ხნის წინ ვლაპარაკობდი. დაე, აღიარონ დღეს, მაგრამ სხვა ქვეყნებისთვის ამის გაკეთების თხოვნით მიმართვა, ისევ სომხეთის ხელმძღვანელობის არაადეკვატურობასა და ძალიან დაბალ პოლიტიკურ განათლებაზე მეტყველებს.

იმიტომ რომ, სომხეთის ხელიმძღვანელობა ოდნავადაც რომ ერკვეოდეს საერთაშორისო პოლიტიკის საფუძვლებში, მიხვდებოდა, რომ დღეს აზერბაიჯანის ტერიტორიული მთლიანობა მთელი მსოფლიოს მიერაა აღიარებული – როგორც საყოველთაოდ ცნობილი ფაქტი, როდესაც ჩვენ გაეროში, ასევე სხვა საერთაშორისო სტრუქტურებში, შევედით მთიან ყარაბაღთან ერთიანი სახელმწიფოს ჩარჩოებში“, – განაცხადა ალიევმა თავის ინტერვიუში. 

ალიევმა ეს დასახლებები ჩამოთვალა:

ზანგილანის რაიონი: ბირინჯი აღალი, იქინჯი აღალი, უჩუნჯუ აღალი, ზერნელი;

ფუზულის რაიონი: მანდილი;

ჯებრაილის რაიონი: გაზანზემი, ხანაგაბულაღი, ჩიულიუ, გუშჩულარი, გარააგაჯი;

გუბადლის რაიონი: გიასლი, ადილჯე და გილიჯანი.

28 ოქტომბერს, დაახლოებით 13:00 საათზე, სომხეთის შეიარაღებულმა ძალებმა მასირებული სარაკეტო თავდასხმა განახორციელეს აზერბაიჯანის ქალაქ ბარდაზე, რომელიც ყარაბაღის კონფლიქტის ზონის გარეთ მდებარეობს.

აზერბაიჯანის გენერალური პროკურატურის პრესსამსახურის ცნობით, თავდასხმის შედეგად, რომლის დროსაც, საერთაშორისო სამართლით აკრძალული კასეტური საბრძოლო მასალა გამოიყენეს, 21 ადამიანი დაიღუპა და დაახლოებით 60 – დაიჭრა.

ამას გარდა, უწყების ცნობით, მნიშვნელოვანი ზიანი მიადგა სამოქალაქო ინფრასტრუქტურასა და სატრანსპორტო საშუალებებს.

აზერბაიჯანის შეიარაღებული ძალები აგრძელებს მთიანი ყარაბაღის დედაქალაქის დაბომბვას. ამჯერად, ზუსტი დარტყმა მიაყენეს სამშობიარო სახლს. დაშავებულთა შესახებ ინფორმაცია ზუსტდება.

სომხეთის თავდაცვის სამინისტროს პრესმდივანი Facebook-ის საკუთარ გვერდზე წერს, რომ უსაფუძვლოა აზერბაიჯანული მხარის განცხადება იმის შესახებ, თითქოს, სომხეთის შეიარაღებულმა ძალებმა ზალპური ცეცხლის რეაქტიული სისტემა „სმერჩით“ დარტყმა მიაყენეს ქალაქ ბარდას.

წყაროს თანახმად, თავდასხმის შედეგად სამი მშვიდობიანი მოსახლე დაიღუპა, რამდენიმე ადამიანი კი დაიჭრა.

უწყების განცხადებაში ასევე ნათქვამია, რომ აზერბაიჯანის შეიარაღებულმა ძალებმა «სმერჩით» დარტყმა მიაყენეს სტეპანაკერტსაც. დედაქალაქში არავინ დაშავებულა.

ქალაქის ხელისუფლებამ აშშ-ის პრეზიდენტსა და კონგრესსაც მოუწოდეს, ასევე აღიარონ ყარაბაღის დამოუკიდებლობა.

«ANCA Glendale მოუწოდებს ქალაქის ხელმძღვანელობას გადადგას გადამწყვეტი ნაბიჯები ქალაქიდან თურქული და აზერბაიჯანული ინვესტიციების გასატანად“, – ნათქვამია ANCA Glendale-ის განცხადებაში.

მანამდე, მთიანი ყარაბაღის დამოუკიდებლობა აღიარეს ამერიკული ქალაქების ფაულერისა და ფორტ-ლის, ასევე, მილანის, სალონიკისა და საფრანგეთის რიგი ქალაქების საქალაქო საბჭოებმა, აგრეთვე, ავსტრალიის ახალი სამხრეთ უელსის შტატის პარლამენტმა.

თავის მხრივ, აზერბაიჯანმა განაცხადა, რომ დაუყოვნებლივ შეწყვეტს დიპლომატიურ ურთიერთობებს იმ ქვეყნებთან, რომლებიც ოფიციალურად აღიარებენ ყარაბაღის დამოუკიდებლობას.

უწყების მონაცემებით, სომხეთის შეიარაღებული ძალების მიერ დაბომბვის შედეგად დაიღუპა 69 ადამიანი, 322 – დაიჭრა. დაზიანდა 2 338 კერძო სახლი.

ყარაბაღში საბრძოლო მოქმედებების დაწყებიდან მეორე თვე დაიწყო

• ყარაბაღის ხელისუფლების ინფორმაციით, მთელი 27 ოქტომბრის განმავლობაში, აზერბაიჯანელი სამხედროები ყარაბაღში, დასახლებულ პუნქტებს ბომბავდნენ. ბაქო ამას უარყოფს.

• ბაქო აცხადებს, რომ სომხეთის შეიარაღებულმა ძალებმა სარაკეტო დარტყმა მიაყენეს აზერბაიჯანში, ქალაქ ბარდას, რის შედეგადაც ოთხი ადგილობრივი მცხოვრები დაიღუპა. ერევანში ამ ინფორმაციას უარყოფენ.

• მთელი 27 ოქტომბრის განმავლობაში, ვითარების ესკალაცია შეინიშნებოდა აზერბაიჯანისა და სომხეთის საზღვარზე. ერევანი აზერბაიჯანს მის სამხრეთ საზღვარზე დაბომბვაში ადანაშაულებდა, ბაქოში ამას უარყოფდნენ, მაგრამ საუბრობდნენ სომხეთის მხრიდან ირანის საზღვართან მოწყობილ პროვოკაციებზე.

• სომხეთის საგამოძიებო კომიტეტის ცნობით, აზერბაიჯანში, 17 სომეხი სამხედრო ტყვე ჰყავთ.

• დაიჭრა და თანამდებობიდან გაათავისუფლეს მთიანი ყარაბაღის თავდაცვის მინისტრი, ჯალალ არუთუნიანი.

• „სომხეთის ხელისუფლების სტრატეგია არ შეიცვლება, ყარაბაღის ხალხის უფლებებისთვის ბრძოლა გაგრძელდება. ყარაბაღის თავდაცვის არმიას გააჩნია პირადი შემადგენლობა და შეიარაღება, რომელიც აუცილებელია დასახული ამოცანების გადასაჭრელად“, – განაცხადა სომხეთის პრემიერ-მინისტრმა სატელევიზიო მიმართვისას.

• ირანმა განაცხადა, რომ ყარაბაღის კონფლიქტის დარეგულირებასთან დაკავშირებით საკუთარ ინიციატივას წარმოადგენს. ირანის საგარეო საქმეთა მინისტრი, აბას არაქჩი 28 ოქტომბერს ბაქოში ჩავიდა, შემდეგ კი გაემგზავრება მოსკოვში, ერევანსა და ანკარაში.

• თურქეთის პრეზიდენტმა რუსეთის პრეზიდენტს დაურეკა ყარაბაღის კონფლიქტის საკითხის განსახილველად. საუბრის დეტალები უცნობია, კრემლის ოფიციალურ ვებგვერდზე ნათქვამია, რომ „რუსულმა მხარემ ღრმა შეშფოთება გამოთქვა მიმდინარე საბრძოლო მოქმედებების გამო, ასევე, შეტაკებებში ახლო აღმოსავლეთიდან ჩამოსული ტერორისტების სულ უფრო და უფრო მასშტაბური ჩართვის თაობაზე“.

• ყარაბაღის კონფლიქტის დარეგულირების პროცესში ნებისმიერი ქვეყნის მონაწილეობა, შეთანხმებული უნდა იყოს სომხეთსა და აზერბაიჯანთან, განაცხადა რუსეთის პრეზიდენტის პრესმდივანმა, დმიტრი პესკოვმა, ყარაბაღის კონფლიქტის გადაწყვეტის თემაზე მოლაპარაკებების პროცესში თურქეთის მონაწილეობასთან დაკავშირებით.

• ახალი ამბები, ფოტო/ვიდეო ყარაბაღში მიმდინარე საბრძოლო მოქმედებებთან დაკავშირებით – 27 ოქტომბერი, 2020