ოცნების ახალი ვიდეო რუსული პროპაგანდისტული საარჩევნო კლიპის ანალოგია. რას ამბობს პარლამენტის თავმჯდომარე
ოცნების ახალი ვიდეო რუსული კლიპის ანალოგია
Facebook-ზე “ქართული ოცნების” ლიდერების მიერ გავრცელებული ახალი ვიდეოკლიპი ზუსტად იმეორებს კრემლის პროპაგანდისტულ ვიდეოს სცენარს, რომელიც 2018 წლის რუსეთი საპრეზიდენტო არჩევნების წინ გადაიღეს.
ორივე კლიპში ცოლ-ქმრის დიალოგია, სადაც კაცს არ უნდა არჩევნებზე წასვლა – “ქართული ოცნების” შემთხვევაში, სცენარის მიხედვით, კაცს “წინა ხელისუფლება” ესიზმრება, რუსულ საარჩევნო კლიპში კი – “ლგბტ პროპაგანდა”.
ვიდეო თავდაპირველად დედაქალაქის მერმა, კახა კალაძემ გაავრცელა:
პროპაგანდისტული რუსული კლიპი:
რას ამბობს შალვა პაპუაშვილი
“თქვენ თუ ფიქრობთ, რომ ცოლ-ქმრობა რუსული მოვლენაა, მაშინ შეგვიძლია ვთქვათ, რომ ოჯახი და ცოლ-ქმრობა არის რუსული მოვლენა. სასაცილოა უბრალოდ, აბსოლუტურად სასაცილო”, – ასე უპასუხა საქართველოს პარლამენტის თავმჯდომარემ შალვა პაპუაშვილმა ჟურნალისტის კითხვას, რომელიც „ქართული ოცნების“ საარჩევნო კლიპს ეხებოდა.
შალვა პაპუაშვილის თქმით, ის მოხარულია, რომ ამ კლიპით ბევრი დაინტერესდა და სოციალურ ქსელშიც ბევრი აზიარებს, რადგან ეს ადამიანები გაიგებენ „რა ჭაობს და ბოროტებას შეიძლება უჭერდნენ მხარს“.
“სასაცილოა ცოლ-ქმრობის გამოცხადება რუსულ მოვლენად, თუკი ეს არის თქვენი იდეოლოგია, მაშინ რაღა უნდა თქვა. კიდევ ერთხელ, მადლობა! გაავრცელეთ ეს კლიპი – რაც შეიძლება ბევრმა უნდა ნახოს, იმიტომ, რომ მიხვდნენ, საერთო ჯამში, რა ჭაობს და რა ბოროტებას აძლევენ ხმას ისინი, რომლებიც შეიძლება თქვენი მაყურებლები თუ მომხრეები არიან.” – ამბობს პაპუაშვილი.
