მოსაზრება: თუ მაინინგი არ დამარცხდა, აფხაზეთი სიბნელეში დაიხრჩობა
მაინინგი აფხაზეთში
ენგურის ჰიდროელექტროსადგურზე წყლის დონის კრიტიკული ვარდნის ფონზე და რუსეთიდან ელექტროენერგიის შესაძენად სახსრების ნაკლებობის გამო, აფხაზეთი ბოლო წლების ყველაზე სერიოზულ ენერგეტიკულ კრიზისს განიცდის.
აფხაზეთში დღისით ელექტროენერგია სულ რაღაც 4 საათი და 40 წუთია. დენი ღამით ჯერ ისევ არის – მთავრობა რუსეთიდან ყიდულობს მცირე რაოდენობით, ორი-სამი დღით, და სწორედა ასეთმა პოლიტიკამ გამოიწვია ის, რომ უკანასკნელი ფული, რაც ხაზინაში იყო, ასეთმა შესყიდვებმა წაიღო.
ერთ-ერთი მიზეზი, რამაც აფხაზეთი ამ მდგომარეობამდე მიიყვანა, არის კრიპტოვალუტის მაინინგი. ხელისუფლებამ ჯერ დააკანონა და შემდეგ ვეღარ აკრძალა: უკანონო მოპოვების გამო აფხაზეთში ელექტროენერგიის მოხმარება ერთნახევარჯერ გაიზარდა.
რამდენიმე დღის წინ, ენერგეტიკის მინისტრ ჯანსუღ ნანბასთან აღშფოთებული ქალების ჯგუფი მივიდა და პირში მიახალა ყველაფერი, რასაც ფიქრობდნენ მის საქმიანობაზე. JAMnews-ის აფხაზეთის რედაქტორი ინალ ხაშიგი მიიჩნევს, რომ ეს იმის ნიშანია, რომ აფხაზეთში არა მხოლოდ ფულის და ელექტროენერგიის რეზერვების, არამედ ხალხის მოთმინებაც ამოიწურება.
საბოლოო ჯამში, ჩვენ გვაქვს ის, რასაც ვიმსახურებთ.
ახლა ჩერნომორენერგოს ხელმძღვანელი ამბობს, რომ მაინინგი 350 მლნ კვტ/სთ ელექტორენერგიას მოიხმარს. ეს არის მიღებული დეფიციტის ნახევარზე მეტი. ანუ ხელისუფლების დაუდევრობის გამო მაინინგი ყოველდღიურად მთელი აფხაზეთის მიერ მოხმარებულ ენერგიას „იპარავს“.
და თუ არ განხორციელდება რეალური ქმედება მაინინგთან საბრძოლველად, აფხაზეთი უბრალოდ სიბნელეში დაიხრჩობა.
რა თქმა უნდა, როგორც უსაფრთხოების ჩინოვნიკებს, ისე ენერგეტიკის მუშაკებს აქვთ ინფორმაცია ყველა დიდი სამთო მეურნეობის შესახებ. დარჩენილია მხოლოდ ამ მეურნეობების დახურვა.
- აფხაზეთში მაინინგის წინააღმდეგ ბრძოლა მკაცრდება
- აფხაზეთში დიდი მაინინგის ფერმა აღმოაჩინეს. ამბობენ, რომ მისი მფლობელი “გავლენიანი პიროვნებაა”
ხოლო თუ შსს-ს და სახელმწიფო უსაფრთხოების სამსახურის ხელმძღვანელები ამბობენ, რომ არაფერი იციან მსხვილი მეურნეობების შესახებ, მაშინ ამა თუ იმ ფორმით არის შეთქმულება. ნებისმიერ შემთხვევაში, ისინი უბრალოდ უნდა გადადგნენ და ვაკანტურ პოზიციებზე დანიშნონ ისინი, ვინც გაუმკლავდება ყველა მაინინგ მეურნეობის დახურვას.
უბრალოდ ხელების აწევა, უძლურების მოჩვენება, აღარ იმუშავებს.
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
