მარნეულელ აქტივისტს ბინის კარზე ჯვარი და რუსეთის დროშა დაუხატეს
გაზიარება
გაზიარება
მარნეულელი აქტივისტი სამირა ბაირამოვა
აქტივისტი და უფლებადამცველი მარნეულიდან სამირა ბაირამოვა ამბობს, რომ საკუთარ სახლშიც კი თავს დაცულად აღარ გრძნობს. ამის მიზეზი მისი სახლის შესასვლელთან მომხდარი ბოლო ინციდენტი გახდა. ბაირამოვას თქმით, უცნობმა პირებმა მის კარზე ჯვარი დახატეს, კედელზე კი რუსეთის დროშა.
“არ ვიცი რა დავწერო, არც მინდოდა დილიდან ჩემი დღის გაფუჭება, დილით ადრე სავარჯიშოდ გავდიოდი სახლიდან და ნახევრად მძინარე ჯერ ვერ მივხდი რა არის და ასეთი ამბები დამხვდა. თქვენ იდიოტებო გულში ატარეთ ეს დროშა. მინიმუმ არა კულტურობაა და არაჰუმანურობა რელიგიის ასეთი ფორმით დამცირება, თქვენთვის კი ეს მანიპულაციის იარაღია. მე ხელს არ მშლის არც ერთი რელიგიური სიმბოლიკა.
“შინ ევროპისკენის” და ქალთა ძალის სიმბოლიკა მქონდა კარზე, შეღებეს. დროშის ადგილზე კი “ გახსოვდეს აგვისტოს ომი” ლოგო. ეს მოიპარეს თუ რა ქნეს არ ვიცი. არადა მარნეულიდან თბილისში უსაფრთხოების მხრივ გადმოვედი, სახლი ჩემთვის იყო ერთად ერთი ადგილი სადაც დაცულად და მშვენივრად ვგრძნობდი თავს” – წერს აქტივისტი და შსს სამინისტროს მიმართავს: “თქვენ აგრძელებთ მოძალადეების დამალვას და მხარდაჭერას!!”
სამირა ბაირამოვა მანამდეც არაერთხელ გამხდარა მუქარისა და თავდასხმის სამიზნე რადიკალური ჯგუფების მხრიდან. მათ შორის, პრორუსული პლატფორმის ალტინფოს მხარდამჭერების მხრიდან.
2022 წელს ბაირამოვამ ქალაქ მარნეულში „ალტ-ინფოს“ ბაზაზე ჩამოყალიბებული „კონსერვატიული მოძრაობის“ ოფისის გახსნა გააპროტესტა. მან ოფისის გარე ფასადი უკრაინისა და ევროკავშირის დროშებით მოხატა.
