მარკ რუტე: ვიმედოვნებთ, რომ საქართველო ევროკავშირის გზაზე დაბრუნდება

მარკ რუტე ევროკავშირზე

ნიდერლანდების პრემიერმინისტრმა და NATO-ს მომდევნო გენერალურმა მდივანმა, მარკ რუტემ განაცხადა, რომ საქართველოს ხელისუფლების გადაწყვეტილებების გამო ევროკავშირში საქართველოს გაწევრიანებასთან დაკავშირებით ღელავს და იმედოვნებენ, რომ საქართველო ევროკავშირის გზას დაუბრუნდება. ამის შესახებ მან ევროპული საბჭოს შეხვედრის შემდეგ ისაუბრა.

NATO-სა და საქართველოს ურთიერთობის შესახებ დასმული კითხვის საპასუხოდ მარკ რუტემ თქვა:

“მე ვღელავ ევროკავშირში საქართველოს გაწევრიანების გზაზე ბოლოდროინდელი გადაწყვეტილებების გამო. მცირე ხნით პრეზიდენტს ვესაუბრე და ის ძლიერი ლიდერია, მაგრამ ვერ შეძლო, პარლამენტმა ვეტო დაძლია… რა თქმა უნდა, პატივს ვცემთ და ვიმედოვნებთ, რომ საქართველო ევროკავშირის გზაზე დაბრუნდება, ხოლო NATO-ს შესახებ მხოლოდ იმას ვიტყვი, რომ ვამაყობ, რომ ამირჩიეს.”

ჟურნალისტის კითხვაზე, თუ რა ზომებს შეიძლება მოველოდეთ ევროკავშირისგან, რუტემ უპასუხა, რომ ახლა საქართველოს ხელისუფლებას უნდა ჰქონდეს რეაქცია და იმოქმედოს.

“უპირველეს ყოვლისა, ისაა, თუ რას მოველით საქართველოსგან, ხელისუფლებისგან, ახლა თქვენი ჯერია… [რედ. – საპასუხო ზომებთან დაკავშირებით] ვნახავთ, ვნახავთ, მაგრამ, რა თქმა უნდა, ვიმედოვნებთ, რომ საქართველო დაბრუნდება.” – აღნიშნა რუტემ.

ჯეიმს ო'ბრაიენი: საქართველოში ლიდერები ბლოკავენ რეფორმებს, რომლებიც ევროინტეგრაციისთვისაა საჭირო

“ჩვენი დანახარჯების ნაწილი ევროატლანტიკურ ინტეგრაციას ხმარდება”

ჩრდილოატლანტიკურმა საბჭომ NATO-ს გენერალურ მდივნად ნიდერლანდების პრემიერმინისტრი, მარკ რუტე აირჩია.

რუტე NATO-ს გენერალური მდივნის უფლებამოსილების შესრულებას პირველი ოქტომბრიდან, სტოლტენბერგის ვადის ამოწურვის შემდეგ შეუდგება.