ომი უკრაინაში. განახლებადი ინფორმაცია

იუთუბმა დაიწყო რუსული პროპაგანდისტული ტელეკომპანიების გვერდების დაბლოკვა და უკრაინის ომზე მათ მიერ მომზადებული კონტენტის წაშლა.

როსკომნადზორის გადაწყვეტილებით კი   რუსეთში ინსტაგრამი დაიბლოკება.

“მე მას ვაცნობე ბრძოლის ველზე არსებული სიტუაცია, მოვუყევი რუსეთის მიერ მშვიდობიანი მოსახლეობის წინააღმდეგ ჩადენილი დანაშაულების შესახებ. ჩვენ შევთანხმდით შემდგომ ნაბიჯებზე, რომლებიც მიმართულია უკრაინის თავდაცვის მხარდაჭერისა და რუსეთზე სანქციების ზეწოლის გაძლიერებისკენ”, – დაწერა ზელენსკიმ Twitter-ზე.

ბაიდენმა განაცხადა, რომ აშშ რუსეთიდან ალკოჰოლის, ბრილიანტისა და ზღვის პროდუქტების იმპორტს აკრძალავს.

როგორც  ბაიდენი  ამბობს, დიდი შვიდეულის ქვეყნები ხელს შეუშლიან რუსეთს სესხები აიღოს მსოფლიო ბანკისა და საერთაშორისო სავალუტო ფონდისგან.

ისინი ასევე გაამკაცრებენ ქმედებებს რუსი ოლიგარქების აქტივების დაბლოკვის მიმართულებითაც.

?მარიუპოლი რუსულ ჯარს ალყაში ჰყავს. ქალაქს დაბომბავენ და იგი ჰუმანიტარული კაპასტროფის ზღვარზეა. ხალხი საჭმელს ცეცხლზე ამზადებს. ვითარებას ისიც ართულებს, რომ უკრაინის უმეტეს რეგიონებში ამაღამ ყინვა იქნება.

? რუსულმა ჯარებმა დაბომბეს ლუცკი და ივანო-ფრანკოვსკი.

? სატელიტური სურათები გვიჩვენებს, რომ რუსეთის ჯარები კიევის ჩრდილო-დასავლეთით გადანაწილდნენ. ბრიტანული დაზვერვა მიიჩნევს, რომ რუსეთი ამგვარად კიევზე შეტევისთვის ემზადება რამდენიმე დღეში.

? კომპანია “მეტამ” გადაწყვიტა, რომ სოციალურ ქსელებში არ დაებლოკოს რუსეთის პრეზიდენტის სიკვდილის და რუსული არმიის დამარცხების სურვილები და მოწოდებები. საპასუხოდ, რუსეთის გენერალური პროკურატურა ითხოვს ფეისბუქის და ინსტაგრამის ექსტრემისტულ ორგანიზაციებად აღიარებას.

?ბაიდენი რუსეთთან “ნორმალური სავაჭრო ურთიერთობების” გაწყვეტის ინიციატივით გამოდის.

? უკრაინა აპირებს Russia Today-ის ხელმძღვანელი მარგარიტა სიმონიანი საერთაშორისო ძებნილთა სიაში შეიყვანოს.

? უკრაინიდან ლტოლვილთა რაოდენობამ 2,5 მილიონ ადამიანს გადააჭარბა. აქედან 1 მილიონი ბავშვია.

? ბელარუსის პრეზიდენტი ლუკაშენკო მოსკოვში ჩავიდა პუტინთან შესახვედრად.

“ჩვენი თავისუფლებისთვის მე-16 დღეა ვიბრძვით. ეს იმაზე 4-ჯერ მეტია, ვიდრე მტერს ჰქონდა დაგეგმილი. თუმცა, უკრაინელები ამაყი ადამიანები არიან, რომლებიც ყოველთვის დაიცავენ თავიანთ საკუთრებას და არასდროს მისცემენ ოკუპანტს მიწის ერთ ნაგლეჯსაც კი, თავისუფლების ერთ პროცენტსაც კი.”

ლუკაშენკო: “რომ არა რუსეთის პრევენციული დარტყმა, უკრაინა ბელარუსზე თავდასხმას აპირებდა. ისინი არა მხოლოდ დონბასისთვის დარტყმის მიყენებას აპირებდნენ – მათ პოზიციები ჰქონდათ განლაგებული ბელარუსზე თავდასხმისთვის”

მისი თქმით, პუტინთან რუკაც კი ჩაიტანა, რომ თავდასხმების გეგმა აჩვენოს.

ადგილობრივი მედიის განცხადებით, საარტილერიო შეტევის შედეგად გაჩენილი ცეცხლი გავრცელდა ინსტიტუტის საერთო საცხოვრებელზეც.

პირველადი ინფორმაციით, დაზიანდა რეაქტორის „ნეიტრონების წყარო”.

ამასთან, დაზიანებულია ელექტრონების ამაჩქარებელი და გაგრილების სისტემაც.

ხარკოვის ოლქის ადმინისტრაციის თავმჯდომარე სინეგუბოვი ამბობს, რომ რუსმა სამხედროებმა ოსკოლსკის ფსიქონევროლოგიური ინტერნატის მიმართულებით ცეცხლი გახსნეს. ამ დროს შენობაში 330 ადამიანი იყო.

დაშავებულებისა და დაღუპულების შესახებ ინფორმაცია ზუსტდება.

თავდაცვის მინისტრმა სერგეი სოიგუმ თქვა, რომ უკვე 16 ათასმა ადამიანმა გამოთქვა სურვილი დაიცვას რუსული პოზიციები უკრაინაში, უმეტესობა განცხადება ახლო აღმოსავლეტის ქვყნებიდანაა შემოსული

რუსული ავიაცია ჭურვებს ძირითადად საცხოვრებელი უბნებიდან ისვრის.

„ჩვენ გადავიტანეთი ორი დღე ჯოჯოხეთი, არმაგედონი, რომელიც რუსულ-ფაშისტურმა ჯარებმა მოაწყვეს. ისინი ცინიკურად ისვრიან აკრძალული იარაღიდან“, – ციტირებს მარიუპოლის მერს ვადიმ ბოიჩენკოს unian

ამიერიდან, რუსეთს გაცილებით. მეტი პროცედურის გავლა მოუწევს იმისთვის, რომ ვინმე ინტერპოლის ძებნილთა სიასი შეიყვანოს.

ინტერპოლი ზღუდავს რუსეთის უფლებას, დააყენოს ადამიანები ძებნილთა სიაში.

ეს გაკეთდა იმისთვის, რომ რუსეთის ხელისუფლებამ ინტერპოლის არხები პოლიტიკური მიზნებისთვის არ გამოიყენოს და ძებნილებად პოლიტიკური ოპონენტები არ გამოაცხადოს.

რამდენიმე ქვეყანა საერთოდაც რუსეთის ინტერპოლის სისტემიდან გარიცხვას ითხოვდა, მაგრამ ინტერპოლმა ეს წინადადება უარყო.

აკრძალვის მოხსნა ეხება რამდენიმე ქვეყანას, მათ შორისაა საქართველოც.

კომპანიის შიდა მიმოწერაზე დაყრდნობით Reuters ავრცელებს ინფორმაციას, რომ მეტა პლატფორმები საშუალებას აძლევს Facebook-ისა და Instagram-ის მომხმარებლებს გარკვეულ ქვეყნებში განათავსონ მუქარები და მოწოდებები ძალადობისკენ რუსი სამხედროების მიმართ. ინფორმაციას ადასტურებს Meta-ს წარმომადგენელი ენდი სტოუნიც.

ამ “გარკვეული ქვეყნების” სიაში საქართველოც მოხვდა – ცვლილებები შეეხება სომხეთს, აზერბაიჯანს, ესტონეთს, საქართველოს, უნგრეთს, ლატვიას, ლიეტუვას, პოლონეთს, რუმინეთს, რუსეთს, სლოვაკეთს და უკრაინას.

დღეს კონგრესი, სავარაუდოდ, კიდევ ერთ მნიშვნელოვან გადაწყვეტილებას მიიღებს რუსეთთან დაკავშირებით: ბაიდენი კონგრესს რუსეთთან „ნორმალური სავაჭრო ურთიერთობების“ გაუქმების თხოვნით მიმართავს.

ამის შესახებ Reuters წერს. რუსეთთან “ნორმალური სავაჭრო ურთიერთობების რეჯიმის” გაუქმება საშუალებას მისცემს აშშ-ს გაზარდოს ტარიფები რუსეთიდან იმპორტზე.

Reuters წერს, რომ კონგრესში ორივე პარტია მზად არის ბაიდენის წინადადებას მხარი დაუჭიროს.

სამშაბათს ბაიდენმა გამოაცხადა ემბარგო რუსეთის ნავთობისა და გაზის იმპორტზე.

“უკრაინა არ არის რუსეთი (დედანში სიტყვა Россия პატარა ასოთი წერია-ჯემნიუსი) და ის არასოდეს გახდება რუსეთი. ვერ ეღირსებიან. ჩვენ უკვე ვიმარჯვებთ. და ამის შეჩერება შეუძლებელია. რუსეტის ფედერაციაზე მხოლოდ ის შემიძლია ვთქვა, რასაც ერთხმად ამბობენ ჩემი თანამემამულეები : წყეულიმც იყავით! დიდება უკრაინას, დიდება უკრაინელებს!“ – წერს კუჩმა.

კუჩმა უკრაინის პრეზიდენტი იყო 1994 წლიდან 2005 წლამდე.

დღეს დილით აფეთქებები ისმოდა ლუცკსა და დნეპრში. უკრაინული არხების ცნობით, აფეთქებები ისმის ასევე ივანო-ფრანკოვსკში, უკრაინის დასავლეთში, რომელიც ცხელი წერტილებისგან შორსაა.

უკრაინის შეიარაღებული ძალების გენერალური შტაბი იუწყება, რომ ღამის განმავლობაში მხარეთა პოზიციებში მნიშვნელოვანი ცვლილებები არ მომხდარა.

ამავე დროს გენერალური შტაბი, აცხადებს, რომ რუსები გააქტიურდნენ ზურგში: „აგრესიული რუსული პროპაგანდა იწყებს აქტიურ მუშაობას დროებით ოკუპირებულ ტერიტორიებზე. პრორუსული გზავნილების გავრცელებით, ოკუპანტები ადგილობრივ მოსახლეობასთან მოლაპარაკებას ცდილობენ“

მაკრონი პუტინთან ახალ მოლაპარაკებებს უახლოეს 48 საათში გეგმავს

მან ასევე განაცხადა, რომ კონფლიქტის პირობებში, მისი აზრით, შეუძლებელია ევროკავშირში უკრაინის გაწევრიანების განაცხადის განხილვა.

რუსმა მუსიკოსმა, ბორის გრებენშჩიკოვმა რუსეთში გააუქმა “აკვარიუმის” ყველა კონცერტი. “უკეთეს დრომდე” – დაემშვიდობა ის რუს მსმენელს.

მანამდე კონცერტები – კომენტარით „მშვიდობა სასწრაფოდ საჭიროა“ – ჯგუფმა მუმი ტროლმა გააუქმა.

რუსმა რეპერმა ოქსიმირონმა ასევე გააუქმა კონცერტები უკრაინაში ომის გამო და განმარტა, რომ მას არ შეუძლია გაართოს საზოგადოება, როცა ხალხი იხოცება.

მოსკოვის ხელისუფლება 500 მილიონ რუბლს გამოყოფს შეღავათიანი სესხებისთვის, სწრაფი კვების რუსული ქსელის შესაქმნელად, რომელიც ჩაანაცვლებს მაკდონალდსის რესტორნებს, თქვა მოსკოვის მერმა სობიანინმა.

მოფიქრებულია ახალი რუსული მაკდონალდსის სახელიც “У дяди Вани» (ძია ვანიასთან)

15 მარტიდან უკრაინის მოქალაქეები ბრიტანეთის ვიზებზე განაცხადის შეტანას დაუსწრებლად, სავიზო ცენტრებში მისვლის გარეშე შეძლებენ.

და პასუხსაც დაუსწრებლად – ელექტრონული ფოსტით მიიღებენ.

ამის შემდეგ მათ შეუძლიათ ნებისმიერი გზით მოხვდნენ დიდ ბრიტანეთში, ადგილზე მისცემენ ბიომეტრიულ მონაცემებს და პასპორტში ჩაურტყამენ შესვლის ბეჭედს.

რუსეთის საგარეო საქმეთა მინისტრმა სერგეი ლავროვმა განაცხადა, რომ მარიუპოლის სამშობიარო სახლში უკრაინის ნაციონალისტური ბატალიონის “აზოვის” ბაზა იყო გახსნილი, ამიტომაც მიიტანეს მასზე იერიში გუშინ რუსეთის ჯარებმა. ლავროვმა თქვა, რომ ამის სესახებ გაეროც იყო ინფორმირებული.

“მეკითხებით, ვგეგმავთ თუ არა სხვა ქვეყნებზე თავდასხმას? ჩვენ არ ვგეგმავთ სხვა ქვეყნებზე თავდასხმას. ჩვენ არც უკრაინას არ დავსხმივართ თავს.

ჩვენ არაერთხელ ავხსენით: უკრაინაში შეიქმნა სიტუაცია, რომელიც პირდაპირ საფრთხეს უქმნის რუსეთის ფედერაციის უსაფრთხოებას“, – განაცხადა რუსეთის საგარეო საქმეთა მინისტრმა დიმიტრი კულებასთან მოლაპარაკების შემდეგ ბრიფინგზე.

კულებამ განმარტა, თუ რატომ არ არის მიღწეული ცეცხლის შეწყვეტის შეთანხმება:

“რუსეთი ცეცხლის შეწყვეტას უკავშირებს უკრაინის მიერ პუტინის მოთხოვნების შესრულებას. უკრაინა არ დანებდა და არ დანებდება”, – განაცხადა კულებამ.

“ჩვენ მზად ვართ დიპლომატიისთვის, ვეძებთ დიპლომატიური გადაწყვეტეტას. მაგრამ სანამ ის არ არსებობს, ჩვენ თავდაუზოგავად, თავს გავწირავთ, დავიცავთ საკუთარ თავს, დავიცავთ ხალხს რუსული აგრესიისგან. იმედი მაქვს, დღევანდელ ფორმატს ექნება გაგრძელება”, – დასძინა დიმიტრი კულებამ.

ლავროვი: განვიხილეთ პუტინისა და ზელენსკის შეხვედრის შესაძლებლობა. ლავროვი იმედოვნებს, რომ პუტინისა და ზელენსკის შეხვედრის შესაძლებლობა გამოჩნდება, “ეს ბელარუსის შეხვედრებზე დამუშავდება”.

ევროკავშირმა მიაღწია თავისი შესაძლებლობების მაქსიმუმს რუსეთის წინააღმდეგ ფინანსური სანქციების კუთხით, განაცხადა ევროკავშირის უმაღლესმა წარმომადგენელმა საგარეო პოკიტიკის საკითხებში, ჟოზეფ ბორელმა.

„რა თქმა უნდა, ყოველთვის შეიძლება უფრო შორს წასვლა, მაგრამ, ვფიქრობ, ფინანსურ სანქციებთან დაკავშირებით ჩვენ უკვე მივაღწიეთ საზღვრებს, რისი გაკეთებაც შეგვეძლო. ჩვენ ყველაფერი გავაკეთეთ, რაც შეგვეძლო… ეს არის ძალიან მძიმე სანქციები, რომლებიც მძიმე ტვირთად დააწვება რუსეთის ეკონომიკას“, – განაცხადა ბორელმა Franceinfo-სთან ინტერვიუში.

ვინ მოხვდა სიაში:

რუსეთის პრეზიდენტი ვლადიმერ პუტინი,

რუსი ოლიგარქი რომან აბრამოვიჩი,

როსნეფტის ხელმძღვანელი იგორ სეჩინი,

ბელორუსში რუსეთის ელჩი ბორის გრიზლოვი,

ჩეჩნეთის ლიდერი რამზან კადიროვი,

სენატორი ანდრეი კლიშასი,

VTB-ის ხელმძღვანელი ანდრეი კოსტინი,

საგარეო საქმეთა მინისტრი სერგეი ლავროვი,

ფედერაციის საბჭოს ხელმძღვანელი ვალენტინა მატვიენკო,

გაზპრომის ხელმძღვანელი ალექსეი მილერი

საგარეო დაზვერვის სამსახურის უფროსი სერგეი ნარიშკინი,

მანამდე პერსონალური სანქციები აშშ-მა დააწესა

ჩინეთმა უარი თქვა რუსული ავიახაზებისთვის თვითმფრინავების სათადარიგო ნაწილების მიწოდებაზე, იტყობინება სააგენტო rbc რუსეთის საჰაერო ტრანსპორტის სააგენტოს მაღალჩინოსანზე, ვალერი კუდინოვზე დაყრდნობით.

მანამდე აშშ-მ და ევროკავშირის ქვეყნებმა რუსული თვითმფრინავებისთვის ცის დაკეტვის შესახებ გამოაცხადეს. Airbus-მა და Boeing-მა შეწყვიტეს რუსული კომპანიების თვითმფრინავების მომსახურება და რუსეთისთვის სათადარიგო ნაწილების მიწოდება.

რია ნოვოსტის ცნობით, მოლაპარაკებები რუსეთისა და უკრაინის საგარეო საქმეთა მინისტრებს შორის, სავარაუდოდ, საათნახევარს გაგრძელდება, შემდეგ კი თითოეული მინისტრი ცალკე პრესკონფერენციას გამართავს.

მათ, ვინც უახლოეს დღეებში ტესტის გავლას აპირებდა, ამის შესახებ წერილობით შეატყობინეს, იუწყება კომერსანტი.

„დამძიმებული საგარეო პოლიტიკური ვითარების გამო, რუსეთის ფედერაციაში IELTS გამოცდის მფლობელის – British Council & Cambridge Assessment English გადაწყვეტილებით, რუსეთის ფედერაციაში IELTS-ის ყველა საგამოცდო სესია შეჩერებულია”.

⚡️უკრაინის წინააღმდეგ ორკვირიან ომში დაღუპული რუსი ჯარისკაცების რაოდენობა 5000-დან 6000 ადამიანამდე მერყეობს. დაჭრილია 15-დან 18 ათასამდე რუსი ჯარისკაცი.

ასეთი მონაცემები გამოაცხადა CBSNews-მა შეერთებული შტატების ოფიციალურ წარმომადგენელზე დაყრდნობით.

ასევე ვარაუდობენ, რომ ბოლო ორი კვირის განმავლობაში ათასობით უკრაინელი მშვიდობიანი მოქალაქე და ჯარისკაცი დაიღუპა. ამერიკელი ოფიციალური პირის თქმით, დაიღუპა 2000-4000 უკრაინელი ჯარისკაცი.

მარიუპოლის ბავშვთა საავადმყოფო და სამშობიარო სახლი, რომელიც რუსული ავიაიერიშის შედეგად სრულად დაინგრა.

ვოლოდიმირ ზელენსკიმ საავადმყოფოს დაბომბვას “სიმხეცე” უწოდა და კიდევ ერთხელ მოუწოდა დასავლეთს “დაუყოვნებლივ დაკეტოს ცა” უკრაინის თავზე.

ბრიტანეთმა უკრაინას პირველად გაუწია “ლეტალური დახმარება” –
თავდაცვის მდივანი ბენ უოლესი ადასტურებს ამ ინფორმაციას.

“ლეტალური დახმარება” – ეს ტერმინი ზოგადად აღნიშნავს დახმარებას, რომელიც გამოიყენება ომისთვის ანუ ეს არის იარაღი და სამხედრო მანქანები.

ამ შემთხვევაში საუბარია 3615 ერთეულ ტანკსაწინააღმდეგო იარაღზე, სხვა საბრძოლო მასალისა და საკომუნიკაციო ტექნიკის მიწოდებაზე. დიდი ბრიტანეთი ასევე ემზადება მცირე რაოდენობის Javelin-ის ტანკსაწინააღმდეგო რაკეტების უკრაინისთვის გასაგზავნად

აქტუალური კითხვა – უგზავნის თუ არა პოლონეთი უკრაინას მიგ-29-ებს.

პოლონეთის წინადადება იყო გაეგზავნა საბჭოთა დროიდან შემორჩენილი, მაგრამ ძალიან გაუმჯობესებული საკუთარი გამანადგურებლები – მიგ-29 გერმანიაში, რამშტაინის სამხედრო ბაზაზე, ამერიკელების განკარგულებაში. ხოლო შემდეგ, ამ მიგ-29-ებს ამერიკა უკრაინას გადაუგზავნიდა.

თუმცა, შეერთებულმა შტატებმა უარყო პოლონეთის ეს შეთავაზება. პენტაგონის წარმომადგენლის თქმით, ეს “”ცუდი იდეაა” და ნატოს “სერიოზულ შეშფოთებას იწვევს”.

ომის დაწყებისთანავე, ვლადიმირ ზელენსკი ითხოვს უკრაინის. თავზე ცის დახურვას, რასაც დასავლეთი უცვლელად პასუხობს: არა. უკრაინის ტერიტორიის ფრენისთვის აკრძალულ ზონად გამოცხადება, რეალურად ნიშნავს ნატოს მიერ რუსეთის წინააღმდეგ ომის გამოცხადებას. ეს კი არავის უნდა.

სავარაუდოდ, ეს კარგად ესმით კიევშიც, რადგან ზელენსკის განცხადებებს ცის დახურვის შესახებ მეორე ნაწილიც ჰქონდა: თუ ცას ვერ დახურავთ, მოგვეცით მისი დაცვის საშუალება.

საუბარი იყო სწორედ საბჭოტა წარმოების რეაქტიულ თვითმფრინავებზე – მიგ-29-ებზე. ეს თვითმფრინავები დღემდე არის პოლონეთის, სლოვაკეთის და ბულგარეთის არსენალში.

ეს მანქანები საბჭოტა დროის შემდეგ მნისვნელოვნად გააუმჯობესეს. უკრაინისთვის მათი უპირატესობა იმაშია, რომ უკრაინელ,ა მფრინავებმა მათი მართვა იციან და გადამზადება არ დასჭირდებათ. მაგალითად ამერიკულიF-16 შემთხვევაში დასჭირდებათ გადამზადება.

ეს თვითმფრინავები უკრაინის ცას ბოლომდე ვერ დაიცავდა (ევროპის მასშტაბით, თანხმობის შემთხვევაში, 70 ცალის მოგროვება შეიძლებოდა), მაგრამ დიდი შეღავათი იქნებოდა უკრაინისთვის რუსეთთან საჰაერო ბრძოლებში, ამბობენ სამხედრო ექსპერტები. Bbc

საქართველოს ბანკები არ თანამშრომლობენ რუსულ გადახდის სისტემასთან MIR-თან, იტყობინება საქართველოს ეროვნული ბანკი.

მსოფლიოს წამყვანი სარეიტინგო სააგენტო Fitch-ი მიიჩნევს, რომ რუსეთის დეფოლტი გარდაუვალია. სააგენტომ რუსეთის რეიტინგი C ნიშნულამდე შეამცირა, რაც წინასადეფოლტო მდგომარეობას ნიშნავს.

დეფოლტი არის ქვეყნის უუნარობა ან უარის თქმა აღებული ვალების გადახდაზე. 1998 წელს რუსეთი უკვე იყო დეფოლტის მდგომარეობაში.

ეს პერიოდი რუსეთში დღემდე ახსოვთ. 1998 წლის აგვისტოში მკვეთრად გაუფასურდა რუბლი, დაიწყო პანიკა ფინანსურ ბაზრებზე, კატასტროფულად გაიზარდა ფასები, გაკოტრდა რამდენიმე მსვილი ბანკი. მაღაზიის თანამშრომლები იხსენებენ, რომ საათში რამდენჯერმე ცვლიდნენ ფასების ეტიკეტებს, რადგან რუბლის დაცემის გამო ფასები იცვლებოდა.

1998 წლის დეფოლტის გამოცდილების შემდეგ, რუსეთმა მკაცრი ფინანსური პოლიტიკა აირჩია და შემოსავლის მნიშვნელოვანი ნაწილი რეზერვებში ჩადო. შედეგად, საკმაოდ დიდი რეზერვები დააგროვა. 1 თებერვლის მონაცემებით, ეროვნული კეთილდღეობის ფონდში თითქმის 175 მილიარდი დოლარი იყო.

თუმცა, დღევანდელ პირობებში, როდესაც რუბლი უკვე მკვეთრად დაეცა, უცხოელმა ინვესტორებმა დატოვეს რუსული ბაზარი და რუსეთის ეკონომიკისა და ხელისუფლებისადმი ნდობა შერყეულია, ეს დანაზოგი არ იძლევა ფინანსური სტაბილურობის გარანტიას, ფიქრობენ Fitch-ის ექსპერტები.

მანამდე, 6 მარტს სარეიტინგო სააგენტო Moody’s-მაც ასევე გააფრთხილა რუსეთი დეფოლტის რისკის შესახებ. @bbc

მარია ზახაროვას, რუსეთის საგარეო საქმეთა სამინისტროს ოფიციალურ წარმომადგენელს, ჰქონდა დილით ბრიფინგი.

რა თქვა მთავარი:

▪️ რუსეთის ფედერაციის სამხედრო ოპერაცია უკრაინაში არსებული ხელისუფლების დამხობას არ ისახავს მიზნად.

▪️ ოპერაცია გეგმის მიხედვით მიმდინარეობს.

▪️ უკრაინულ მხარესთან მოლაპარაკებებზე გარკვეული პროგრესი უკვე მიღწეულია.

▪️ჩერნობილისა და ზაპოროჟიეს ატომურ ელექტროსადგურებზე კონტროლის დამყარება იმისთვის გახდა საჭირო, რომ თავიდან აეცილებინათ ბირთვული პროვოკაციები უკრაინის მხრიდან.

საოკუპაციო ძალამ უკვე შემოიყვანა ჩვენს ტერიტორიაზე თითქმის მთელი კონტინგენტი, რომლის შემოყვანასაც გეგმავდა.

“სახელმწიფოს საფრთხის მასშტაბები მაქსიმალურია”, – ამბობს ზელენსკი.

მან განმარტა, რომ უკრაინისა და რუსეთისთვის „მაქსიმუმი“ ორი განსხვავებული სიტყვაა.

“მაგრამ, მათ აქვთ მხოლოდ აღჭურვილობა… აქვთ მხოლოდ ბრძანებები: შეტევა, მოკვლა, დამცირება. ჩვენ გვაქვს მილიონობით უკრაინელის რეალური სურვილი, გაიმარჯვოს, დაიცვას თავი. გაწმინდონ თავიანთი სახელმწიფო“, – აღნიშნა პრეზიდენტმა.

„მე ვარ მოწმე: მიუხედავად კრემლის პროპაგანდისტების სიტყვებისა, რომლებიც ამ ომს „სპეციალურ ოპერაციას“ უწოდებენ, ეს არის მშვიდობიანი მოსახლეობის მკვლელობა!”

ზელენსკაია ამბობს, რომ ომში ბევრი ბავშვი იღუპება.
ის მოუწოდებს გადაწყვეტილების მიღებ მსოფლიო ლიდერებს დახურონ ცა უკრაინის თავზე.

უკრაინა აცხადებს, რომ დაახლოებით 5000-მდე ადამიანის ევაკუაცია მოხდა ქალაქ სუმიდან. სუმის გუბერნატორი ამბობს, რომ ჰუმანიტარული დერეფანი, რომელიც სამშაბათს გაიხსნა, დღესაც გააგრძელებს მუშაობას.

მოსკოვი აცხადებს, რომ კიდევ ერთი დღეს შეინარჩუნებს “დუმილს” და დღეს დილის 10:00 საათიდან ცეცხლს შეწყვეტს, რათა მშვიდობიანი მოქალაქეების ევაკუაცია მოხდეს. დერეფნები კვლავ გაიხსნება კიევის, ჩერნიგოვის, სუმის, ხარკოვისა და მარიუპოლისთვის ადგილობრივი დროით 10:00 საათზე.

აშშ-ის შეფასებით, რუსმა სამხედროებმა, უკრანაში შეჭრიდან 13 დღის განმავლობაში გამოყენებული სამხედრო აქტივების 8%-დან 10%-მდე დაკარგეს. ამ ინფორმაციას CNN -ი ავრცელებს ოფიციალურ პირზე დაყრდნობით, რომელიც იცნობს დაზვერვის უახლეს მონაცემებს.

გასულ კვირას, ამერიკული დაზვერვა იტყობინებოდა, რომ რუსეთმა სამხედრო აქტივების 3%-დან 5%-მდე დაკარგა.

აშშ-ის შეფასებით, უკრაინელების სამხედრო დანაკარგებიც თითქმის იგივე რაოდენობისაა.

რუსეთის ცენტრალურმა ბანკმა რუსეთში ანგარიშებიდან ნაღდი ფულის გატანა შეზღუდა. ანგარიშიდან დოლარში მხოლოდ 10 ათასი დოლარის გატანა შეიძლება, დანარჩენი – მხოლოდ რუბლით

უკრაინა აპირებს ტყვედ ჩავარდნილი რუსი სამხედროების შრომის გამოყენებას “უკრაინის ეკონომიკისთვის”. ამის შესახებ შინაგან საქმეთა მინისტრის პირველმა მოადგილემ, ევგენი ენინმა განაცხადა.

“ჩვენ გამოვიყენებთ ყველა შესაძლებლობას, რასაც ჟენევის კონვენციები გვაძლევს ამ კუთხით. ანუ, ყველა ეს ადამიანი შემდგომში იმუშავებს უკრაინის ეკონომიკის აღსადგენად.”

უკრაინის გენერალური შტაბის დილის ინფორმაციით თუ ვიმსჯელებთ, ომის მე-14 დღის დასაწყისისთვის მხარეთა პოზიციებში მნიშვნელოვანი ცვლილებები არ მომხდარა.

გენერალური შტაბი წერს, რომ უკრაინის არმია აგრძელებს თავდაცვით ბრძოლებს  ჩრდილოეთ და ჩრდილო-დასავლეთ მიმართულებით. ასევე კიევის დაჯგუფება აგრძელებს რუსების თავდასხმის მცდელობების მოგერიებას.

გენერალური შტაბი ამტკიცებს, რომ დიდი ადამიანური დანაკარგის გამო,  რუსებმა დაიწყეს ფარული დამატებითი მობილიზაცია ყირიმში, დონბასში, ლუგანსკში და ასევე რუსეთის კრასნოდარის მხარეში.

8 მარტის  Live. ომი უკრაინაში მეცამეტე დღე 

7  მარტის Live .ომი უკრაინაში. მეთორმეტე დღე. 

6 მარტის Live ომი უკრაინაში მეთერთმეტე დღე.

5 მარტის  Live. ომი უკრაინაში . მეათე დღე.

4 მარტის  Live. ომი უკრაინაში დღე მეცხრე.

3 მარტის Live.ომი უკრაინაში. დღე მერვე.

2 მარტის Live.ომი უკრაინაში. დღე მეშვიდე.

1 მარტის Live. უკრაინაში რუსეთის წინააღმდეგ ბრძოლის მეექვსე დღე.

28 თებერვლის  Live .უკრაინაში რუსეთის წინააღმდეგ ბრძოლა გრძელდება. დღე მეხუთე.

27 თებერვლის  Live. რუსეთი უკრაინაში შეიჭრა.  ომის მეოთხე დღე 

26 თებერვლის  Live.რუსეთი უკრაინაში შეიჭრა.  ომის მესამე დღე 

25 თებერვლის  Live. რუსეთი უკრაინაში შეიჭრა ომის მეორე დღე

24 თებერვლის  Live. რუსეთი უკრაინაში შეიჭრა ომის პირველი დღე