193 ახალი შემთხვევა საქართველოში. გარდაიცვალა ერთი პაციენტი, ის აფხაზეთიდან გადმოიყვანეს

ბოლო 24 საათის განმავლობაში საქართველოში 193 ახალი შემთხვევაა. გარდაიცვალა ერთი, ჯამში მე-20 პაციენტი.

გამოჯანმრთელდა 40 პაციენტი. გამოჯანმრთელებულთა პროცენტული მაჩვენებელია 42.

გარდაცვლილი 60 წლის ქალია, რომელიც აფხაზეთიდან უკვე დაგვიანებით, მართვით სუნთქვაზე მყოფი გადმოიყვანეს.

არსებული სტატიტიკით, 21 სექტემბრის დილის მონაცემებით კოვიდ-ცენტრებსა და კოვიდ-სასტუმროებში ერთად სულ 2133 პაციენტს მკურნალობენ. მათგან მარინა ეზუგბაიას თანახმად, პაციენტთა ნახევარზე ოდნავ ნაკლები კოვიდ-მკურნალობაზე მყოფი პაციენტები არიან, ხოლო დანარჩენები მეთვალყურეობას სასტუმრო-ჰოსპიტლებში გადიან.

როგორც ინფექციური საავადმყოფოს სამედიცინო დირექტორი მარინა ეზუგბაია აცხადებს, ქვეყანაში კორონავირუსით ინფიცირებული 16 კრიტიკულად მძიმე და 80 მძიმე პაციენტია.

ბოლო 24 საათში, 193 ახალი დადასტურებული შემთხვევა ასე ნაწილდება:

აჭარა-92,

იმერეთი-53,

თბილისი-31,

სამეგრელო-ზემო სვანეთი – 8,

გურია – 7,

რაჭა-ლეჩხუმი – 1,

მცხეთა მთიანეთი -1.