კორონავირუსი ლილოში. ფოტორეპორტაჟი
ბოლო დღეების განმავლობაში ლილოს ბაზრობაზე დასახლებულ მინიმუმ 11 ადამიანს კორონავირუსი აღმოაჩნდა.
ეპიდემიოლოგებმა ბაზრობაზე პუნქტი გახსნეს და იქ დასაქმებულთა მასობვრივი PCR ტესტირება დაიწყეს.
ლილოს ბაზრობა თბილისის შემოგარენში მდებარეობს და ერთ-ერთი ყველაზე დიდი საცალო და საბითუმო სავაჭრო პუნქტია ქვეყანაში. იაფი ფასების გამო აქ ყოველთვის ხალხმრავლობაა.
მოვაჭრეთა მნიშვნელოვანი ნაწილი ეთნიკური აზერბაიჯანელია გარდაბნიდან და ქვემო ქართლის სხვა მუნიციპალიტეტებიდან.
გარდაბანი და გარდაბნის სოფლები ახლა საქართველოში კორონავირუსის მხრივ ყველაზე “ცხელი” წერტილია. ლილოში ვირუსის შემთხვევებიც უმეტესწილად სწორედ ამ მუნიციპალიტეტის მცხოვრებლებს აღმოაჩნდათ.
ლილოს ბაზრობა ათასობით ადამიანისთვის შემოსავლის ძირითადი წყაროა, ამიტომ ბაზრობაზე ვირუსის გამოჩენამ ბევრი შეაშფოთა. მოვაჭრეები ამბობენ, რომ ბაზრობის დახურვის შემთხვევაში მათ დიდი ფინანსური პრობლემები ექნებათ.
