"ფინანსური დახმარების გადახედვა, სავიზო და ფინანსური სანქციები" - 29 კონგრესმენი კობახიძეს წერილით მიმართავს და კანონპროექტის გაწვევას მოითხოვს
კონგრესმენების მიმართვა კობახიძეს რუსულ კანონზე
29 კონგრესმენი საქართველოს პრემიერმინისტრს, ირაკლი კობახიძეს ერთობლივი განცხადებით მიმართავს და ე.წ. რუსული კანონის კანონპროექტის გაწვევას მოითხოვს.
განცხადებაში კონგრესმენები შეშფოთებას გამოხატავენ რუსული კანონის შემობრუნებაზე, კანონპროექტის მოწინააღმდეგეების წინააღმდეგ ხელისუფლების გამოყენებულ მეთოდებსა და ივანიშვლის განცხადებაზე. კონგრესმენები მოუწოდებენ კობახიძეს, გაიწვიონ კანონი, წინააღმდეგ შემთხვევაში ისინი შეუერთდებიან სენატის ინიციატივას.
აშშ-ს 14 სენატორისგან შემდგარმა ორპარტიულმა ჯგუფმა 26 აპრილს გამოაქვეყნა წერილი საქართველოს მთავრობის მიმართ, რომელშიც ამერიკელი კანონმდებლები რუსული კანონის მიღების შემთხვევაში ქვეყნის არაფორმალური მმართველის, ბიძინა ივანიშვილის რეჟიმს სანქციებს, სავიზო შეზღუდვებს და ფინანსური მხარდაჭერის გადახედვას ჰპირდებიან.
რა წერია კონგრესმენების მიმართვაში
● ჩვენ გწერთ, რათა გამოვხატოთ ჩვენი შეშფოთება „უცხოეთის აგენტის“ კანონპროექტზე, რომელიც თქვენმა მთავრობამ ერთი წლის შემდეგ შემოაბრუნა.
● ეს კანონპროექტი ფუნდამენტურად ეწინააღმდეგება თქვენი მთავრობის გაცხადებულ სურვილს, შეუერთდეთ ტრანსატლანტიკურ საზოგადოებას, 2009 წლის შტატები-საქართველოს ქარტიის სულისკვეთებას, რომელსაც ორმა ქვეყანამ მოაწერა ხელი საქართველოში რუსული ძალების შემოჭრიდან რამდენიმე თვეში.
● ჩვენ მტკიცედ მოვუწოდებთ თქვენს მთავრობას, ხელახლა გაიწვიოს ეს დამაზიანებელი კანონპროექტი და გააფართოოს საქართველოში დემოკრატია, ეკონომიკური თავისუფლება, უსაფრთხოების და ტერიტორიული მთლიანობის დაცვა, გააძლიეროს კანონის უზენაესობა და პატივის ცეს ადამიანის უფლებებს, როგორც ქარტია ითვალისწინებს.
● “უცხოელი აგენტების“ კანონპროექტის ცხადი პრეტექსტია კონტროლის გაძლიერება იმ პარტნიორებზე, რომლებიც ქართველ ხალხთან დეკადების განმავლობაში მუშაობდნენ და მხარს უჭერდნენ ტრანსატლანტიკურ ინტეგრაციას. მარტივად, ამ კანონპროექტის მიღება ძირს უთხრის ქართველი ხალხს, რომელიც მომავალს დასავლეთში ეძებს.
უარვყოფთ მოსაზრებას, რომ ეს კანონპროექტი შემუშავებული აშშ-ის კანონის მიხედვით; ამის ნაცვლად ყურადღებას ვამახვილებთ შემოთავაზებული კანონპროექტის მსგავსებაზე იმ კანონთან, რომელიც რუსეთში შემოიღეს 2012 წელს და რომელიც ასევე გამჭვირვალობის არგუმენტით მართლდებოდა. მოგეხსენებათ, მას შემდეგ ეს კანონი პუტინმა და მისმა ავაზაკებმა გამოიყენეს ოპოზიციის გასაქრობად, რაც დასრულდა რუსეთის საბჭოთა სტილის ავტორიტარიზმში დაბრუნებით.
● პრემიერმა ახალგაზრდებსა და ბერბიჭაშვილს შორის ტოლობის ნიშანი დასვა. პრეზიდენტის და მოქალაქეების კომენტარები
● საქართველოს ელჩი საფრანგეთსა და მონაკოში რუსული კანონის გამო გადადგა
● ჩვენ გვწამს, რომ საქართველოს ხალხი იმსახურებს და ხალხს სურს უკეთესი, უფრო დემოკრატიული მომავალი. ამ კანონის მიღება რუსეთის მავნე გავლენას გააფართოებს საქართველოში.
● ასევე ღრმად შემაშფოთებელია რიტორიკა კანონპროექტის ირგვლივ.
● 29 აპრილს ყოფილმა პრემიერმინისტრმა და „ქართული ოცნების“ ამჟამინდელმა საპატიო თავმჯდომარემ, ბიძინა ივანიშვილმა სიტყვით გამოსვლისას განაცხადა, რომ „დასჯის“ ოპოზიციას ხელისუფლებაში და ოპოზიციაში ყოფნისას ჩადენილი სავარაუდო დანაშაულისთვის. ბ-ნმა ივანიშვილმა ასევე მიუთითა, რომ შეერთებული შტატები და ჩვენი პარტნიორები ევროპაში ცდილობდნენ, შეერყიათ საქართველოს სუვერენიტეტი, მიუხედავად იმისა, რომ ჩვენ მტკიცედ ვუჭერდით მხარს თქვენი ქვეყნის სუვერენიტეტს თქვენი დამოუკიდებლობის მომენტიდან, მათ შორის 16 წლის შემდეგ, რაც რუსეთი პირდაპირ შემოიჭრა და დაიპყრო თქვენი ტერიტორიები. ჩვენ ვგმობთ ბატონი ივანიშვილის ამ შეურაცხმყოფელ და სასტიკ განცხადებებს.
შეშფოთება მხოლოდ გაძლიერდა კანონპროექტის წინააღმდეგ მშვიდობიან საპროტესტო აქციებზე თქვენი მთავრობის პასუხით.
● ჩვენთვის ცნობილია, რომ ათობით მომიტინგე, მათ შორის ამერიკელი მოქალაქეები გაიტაცეს ქუჩიდან და პოლიციამ სცემა მათ. გასულ კვირას სცემეს ოპოზიციური პარტიის თავმჯდომარე და პარლამენტის წევრი.
● საინტერესოა, რომ რუსი პროპაგანდისტი დუგინი აცხადებს, რომ „საქართველო სწორ გზაზეა“, რუსეთის საგარეო საქმეთა მინისტრმა სერგეი ლავროვმა მხარი დაუჭირა კანონპროექტს.
● თქვენს ქმედებებს მოჰყვა დაგმობა თქვენი ქვეყნის უახლოესი პარტნიორების მხრიდან და ქება იმ ქვეყნისგან, რომელსაც ოკუპირებული აქვს 20% – ეს უნდა იყოს ცხადი ინდიკატორი იმისა, რომ საქართველო არასწორ გზაზე მიგყავთ.
● საქართველოში სიტუაცია ნათელია. ხელისუფლებას შეუძლია, აირჩიოს, მოუსმენს ქართველი ხალხის ხმას თუ გააგრძელებს ბნელ გზას რუსული სტილის ავტორიტარიზმისკენ.
ვაცხადებთ, რომ ამ უკანასკნელი გზის არჩევა გამოიწვევს შტატების მიერ ჩვენი ურთიერთობის ძირეულ გადაფასებას. ისევე, როგორც კონგრესმა მხედველობაში მიიღო ბელარუსში ავტორიტარული წარმომავლობა და მიიღო ორპარტიული დემოკრატიის აქტი 2004 წელს, ჩვენ ახლაც მზად ვართ, ვუპასუხოთ სამომავლო თავდასხმებს ევროატლანტიკურ მომავალზე, რომელსაც საქართველო იმსახურებს.
● ჩვენ მოგიწოდებთ, გაიწვიოთ კანონპროექტი და სხვა ზომები, რომელიც ხელს უშლის საქართველოს ხალხის უფლებებსა და თავისუფლებებს, რის შემდეგაც მოხარული ვიქნებით, გავმართოთ პირდაპირი მოლაპარაკება სტრატეგიული პარტნიორობის აღსადგენად და გააქტიურებისთვის.
● თუ ამ საზიანო კანონპროექტს არ გაიწვევენ, შევუერთდებით სენატში ჩვენს კოლეგებს საქართველოს მიმართ აშშ-ს პოლიტიკის ფუნდამენტური გადახედვის ინიციატივაში, მათ შორის აშშ-ს ფინანსური დახმარების გადახედვის, სავიზო და ფინანსური სანქციების ჩათვლით იმ ადამიანებზე, ვისაც საქართველოს დემოკრატიულ განვითარებაზე პასუხისმგებლობა ეკისრება.
კომენტარი
პარტია “ლელოს” ერთ-ერთი ლიდერი ანა ნაცვლიშვილი ამბობს, რომ კონგრესმენები წერილში პირდაპირ წერენ, რომ ამ კანონის მიღება საფუძველს გამოაცლის საქართველოს მოქალაქეების ნებას, თავიანთი მომავალი დასავლეთში ჰქონდეთ გარანტირებული:
“პირდაპირ წერენ, რომ ტყუილია, რომ კანონი ამერიკულია, პირდაპირ წერენ რომ ის რუსულია და იმავე მიზანს ატარებს, რასაც პუტინის რუსული კანონი.
წერილში ნათქვამია, რომ როგორც ბელარუსში, ლუკაშენკოს ავტორიტარიზმის საპასუხოდ მიიღეს ბელორუსში დემოკრატიის მხარდამჭერი აქტი, ისინი ასევე მიიღებენ ზომებს, რომ საქართველოს ევროატლანტიკური მომავლის წინააღმდეგ გადადგმულ ნაბიჯებს უპასუხონ.
ცნობისთვის, ბელორუსის მხარდამჭერი აქტი მოიცავს სანქციებს მაღალი თანამდებობის პირების მიმართ, დაფინანსების შეწყვეტას სახელმწიფოს მიმართ (გარდა ჰუმანიტარული მისიის დაფინანსებისა) და სხვა ზომებს, რაც ძალიან მძიმედ აისახება ყველა სფეროზე.”
