მეორე ტური დასრულდა - ზეიმობს ხელისუფლებაც და ოპოზიციაც

ზუსტად 20:00 საათზე საქართველოში ადგილობრივი თვითმმართველობის არჩევნების მეორე ტური დასრულდა, კენჭისყრა შეწყდა.

მეორე ტურები ხუთ თვითმმართველ ქალაქსა და 15 მუნიციპალიტეტში მიმდინარეობდა.

ცესკოს მონაცემებით, ამომრჩეველთა აქტივობა 17 საათისთვის იყო – 39.5%

პირველ ტურში, რომელიც 2 ოქტომბერს გაიმართა, ცენტრალური საარჩევნო კომისიის ინფორმაციით, ამომრჩეველთა აქტივობა 51.92 პროცენტი იყო. ეს 1 815 776 ადამიანია. 

ორი ეგზიტპოლი ჩატარდა – ერთი პროსახელისუფლებო ტელეკომპანია “იმედის” დაკვეთით და მეორე – ოპოზიციური ტელეკომპანია “მთავარი არხის” დაკვეთით.

“იმედის” ეგზიტპოლი:

“იმედის” ეგზიტპოლი კომპანია “გორბიმ” ჩაატარა ოთხ დიდ ქალაქში. ამ ეგზიტპოლის მიხედვით, ყველგან ლიდერობს “ქართული ოცნება”

თბილისი:
კახა კალაძე – „ქართული ოცნება“ – 57,2%
ნიკა მელია – „ნაციონალური მოძრაობა“ – 42,8%.

რუსთავი:

ნინო ლაცაბიძე – „ქართული ოცნება“ – 53,8%;
დავით კირკიტაძე – „ნაციონალური მოძრაობა“ – 46,2%.

ქუთაისი:

იოსებ ხახალეიშვილი – „ქართული ოცნება“ – 51,9%;
ხატია დეკანოიძე – „ნაციონალური მოძრაობა“ – 48,1%.

ბათუმი:

არჩილ ჩიქოვანი – „ქართული ოცნება“ – 50,8%;
გიორგი კირთაძე – „ნაციონალური მოძრაობა“ – 49,2 %

“მთავარი არხის” ეგზიტპოლი:

“მთავარი არხის” დაკვეთით, კომპანია “ანოვას” მიერ საქართველოს 5 ქალაქში ჩატარებული ეგზიტპოლის შედეგები ასეთია:

თბილისი:

ნიკა მელია – 51%
კახა კალაძე – 49%

ზუგდიდი:

ანზორ მელია – 53%
მამუკა წოწერია – 47%

ბათუმი:

გიორგი კირთაძე – 51%
არჩილ ჩიქოვანი – 49%

რუსთავი:

დავით კირკიტაძე – 53%
ნინო ლაცაბიძე – 47%

ქუთაისი:

ხატია დეკანოიძე – 53%
იოსებ ხახალეიშვილი – 47%