კახეთში covid-19-ის პირველი შემთხვევა დადასტურდა

ბოლო 24 საათში covid-19-ის 11 ახალი შემთხვევა გამოვლინდა.

1 ივნისის მონაცემებით, საქართველოში კორონავირუსით ინფიცირების 794 შემთხვევაა დადასტურებული. კარანტინის რეჟიმშია 2494 ადამიანი, ხოლო სტაციონარში მეთვალყურეობის ქვეშ – 301 პირი. კორონავირუსით ინფიცირებულთაგან 624 გამოჯანმრთელდა და 12  გარდაიცვალა.

უცხოეთიდან საქართველოში სამკურნალოდ გადმოყვანილია  კორონავირუსით ინფიცირებული საქართველოს 3 მოქალაქე.

კორონავირუსის პირველი შემთხვევა დადასტურდა კახეთში, დედოფლისწყრაოში. 

ინფიცირებული სატვირთო ავტომობილის მძღოლია, რომელიც რუსეთიდან საქართველოში 22 მაისს დაბრუნდა. ის თვითიზოლაციაში იყო.

მძღოლს დაახლოებით 10-მდე კონტაქტი ჰყავს. მათ შორის არიან: მისი ოჯახის წევრები, მეზობელი და სასწრაფო დახმარების ბრიგადის წევრები. სასწრაფო დახმარება მისმა მეუღლემ გამოიძახა. 

• ინფიცირებული კოღოები და ამერიკული თვითმფრინავი – მოსკოვი ლუგარის ლაბორატორიის ინსპექტირებას ითხოვს. რას პასუხობს თბილისი
• ეკლესია, რომელმაც ტრანსგენდერი ადამიანები შეიფარა. ვიდეო
• 434 მლნ ლარი სამშენებლო სექტორის გადასარჩენად – რას გულისხმობს ხელისუფლების ანტიკრიზისული გეგმა

კორონავირუსი დაუდასტურდა საბურთალოს კლასტერის წარმომადგენლებთან კონტაქტში მყოფ კიდევ 8 ადამიანს. სულ ამ კლასტერში ამ დროისთვის 23 ინფიცირებული ადამიანია.

covid-19-ის 3 ახალი შემთხვევა გამოვლინდა მარნეულის მუნიციპალიტეტის სოფელ მერეთში.

კორონავირუსით ინფიცირების პირველი შემთხვევა საქართველოში 2020 წლის 26 თებერვალს დადასტურდა. კორონავირუსის პანდემიის შესაჩერებლად 21 მარტიდან 23 მაისამდე საქართველოში საგანგებო მდგომარეობა იყო გამოცხადებული. 

კორონავირუსის პანდემიის გამო დაწესებული შეზღუდვების მოხსნის პირველი ეტაპი საქართველოში 27 აპრილიდან ამოქმედდა.15 ივნისიდან საქართველო შიდა ტურიზმის განახლებას გეგმავს, 1 ივლისიდან კი საზღვრების გახსნას და უცხოელი ტურისტების მიღებას.