იუსტიციის მინისტრმა მიხეილ სააკაშვილს გორის ჰოსპიტალში გადაყვანა შესთავაზა

საქართველოს ყოფილ პრეზიდენტს, პატიმარი მიხეილ სააკაშვილს, რომელმაც გუშინ მცირე ხნით გონება დაკარგა, სამკურნალოდ გორის ჰოსპიტალში გადაიყვანას სთავაზობენ. მკურნალობის დასრულების შემდეგ კი მას რუსთავის საპყრობილეში დაააბრუნებენ.

ამის შესახებ სპეციალურ ბრიფინგზე საქართველოს იუსტიციის მინისტრმა რატი ბრეგაძემ განაცხადა.

“ვთავაზობთ, რომ გადავიყვანოთ გიორგი აბრამიშვილის სახელობის, თავდაცვის სამინისტროს სამხედრო ჰოსპიტალში. ეს არის ადგილი, სადაც მისი ჯანრმთელობა და უსაფრთხოება სახელმწიფოს მხრიდან მაქსიმალურად იქნება დაცული. ამ გადაწყვეტილებით ჩვენ ვიცავთ არა მხოლოდ მიხეილ სააკაშვილის, არამედ სხვა ადამაინების ჯანმრთელობას და სიცოცხლეს, რომლებიც ახლა შიმშილობენ”, – განაცხადა იუსიტიციის მინისტრმა.

მინისტრის ამ განცხადებას წინ უსწრებდა, მიხეილ სააკაშვილის მდგომარეობის დამძიმება. გუშინ, 18 ნოემბერს, პატიმარმა პრეზიდენტმა, რომელიც გლდანის მე-18 სამკურნალო დაწესებულებაში იმყოფება, გონება დაკარგა.   

ამ შემთხვევის დროს ციხეში იმყოფებოდა რესპუბლიკური საავადმყოფოს ექიმი – რენიმატოლოგი გულიკო ქილიფთარი. მიხეილ სააკაშვილს დახმარება სწორედ მან აღმოუჩინა და პირველი საჯარო კომენტარიც მან გააკეთა.

● სააკაშვილის მდგომარეობა კრიტიკულია – რა წერია ექსპერტთა ჯგუფის დასკვნაში
● სააკაშვილის საქმეები. რისთვის ზის ციხეში ყოფილი პრეზიდენტი
● არის თუ არა სააკაშვილი პოლიტიკური პატიმარი? რას ამბობენ იურისტები და უფლებადამცველები

იმაავე ღამეს მიხეილ სააკაშვილი მონახულეს  წამების მსხვერპლთა რეაბლიტაციის ცენტრ ემპათიას პრეზიდენტმა მარიამ ჯიშკარიანმა და სახალხო დამცველის მიერ შექმნილმა ექსპერტთა ჯგუფმა.

მარიამ ჯიშკარიანმა მიხეილ სააკაშვილის მდგომარეობა „მწვავედ კრიტიკულად“ შეაფასა და განაცხადა, რომ „ის სასწრაფოდ და დაუყოვნებლივ საჭიროებდა გადაყვანას მულტიპროფილურ კლინიკაში“.

ექსპერტთა ჯგუფის შეფასებით კი, „მიხეილ სააკაშვილს განუვითარდა ერთ-ერთი ყველაზე მძიმე გართულება – ვერნიკეს ენცეფალოპატიით გამოწვეული გულყრა“.

ორივე უწყებამ ხელისუფლებას კიდევ ერთხელ მოუწოდა მიხეილ სააკაშვილის გადაყვანა მრავალპროფილურ კლინიკაში.

სააკაშვილის მდგომარეობის დამძიმებას არაერთი განცხადება მოჰყვა. მათ შორის, აშშ-ს სახელმწიფო დეპარტამენტიდან.

 ამერიკის სახელმწიფო დეპარტამენტის პრესსპიკერმა ნედ პრაისმა მოუწოდა საქართველოს მთავრობას, გაითვალისწინოს ომბუდსმენის რეკომენდაციები და მოეპყრას სააკაშვილს სამართლიანად და ღირსეულად.

დღეს, 19 ნოემბერს, მიხეილ სააკაშვილის მრავალპროფილურ კლინიკაში გადაყვანის მოთხოვნით ხელისუფლებას წერილი გაუგზავნა სახელმწიფო ინსპექტორის აპარატმა.

“დროას” ლიდერმა ელენე ხოშტარიამ კი, რომლის ჯანმრთელობის მდგომაროება ასევე არის დამძიმებული, განაცხადა, რომ უარს ამბობს მედიკამენტების მიღებაზე იქამდე, ვიდრე სააკაშვილს არ გადაიყვანენ მრავალპრფილურ კლინიკაში.