ინფიცირების მორიგი რეკორდული მაჩვენებელი - 296 ახალი შემთხვევა

ბოლო 24 საათში, საქართველოში კორონავირუსით ინფიცირების 296 ახალი შემთხვევა დადასტურდა, გამოჯანმრთელდა 60 ადამიანი.

ბოლო მონაცემებით საქართველოში:

• კორონავირუსით ინფიცირებულია – 4 960;
• გამოჯანმრთელებულია – 1 819;
• მათ შორის გარდაცვლილია – 26
• კარანტინის რეჟიმში რჩება – 5 390
• კოვიდ სასტუმროში მყოფი პირები – 640
• სტაციონარში მეთვალყურეობის ქვეშ – 836, მათ შორის საქართველოში სამკურნალოდ გადმოყვანილია – 41 პაციენტი.

აჭარიდანაა კვლავ ყველაზე მეტი ახალი კოვიდინფიცირებული. ის ისევ წითელ ზონად რჩება.

გუშინ აქ უკვე ამოქმედდა ახალი რეგულაციები – აღარ დადის საზოგადოებრივი ტრანსპორტი, გრაფიკით მუშაობენ კაფე-რესტორნები.

დანარჩენი საქართველოსგან განსხვავებით, სადაც 1 ოქტომბრიდან 1-6 კლასის მოსწავლეები სკოლაში სიარულს დაიწყებენ, აჭარაში სკოლები არც დამწყები კლასებისთვის არ გაიხსნება.

ჯანდაცვის სამინისტრო აცხადებს, რომ ამ ეტაპზე ჯანდაცვის სისტემა უმკლავდება აჭარაში არსებულ სიტუაციას. არის საკმარისი საწოლები გართულებული ავადმყოფებისთვის, ხოლო უსიმპტომოები ან საკარანტინო სივრცეებში, ან სახლში მკურნალობენ.