კომენტარი: წინააღმდეგობის პლატფორმა, რომელზეც ზურაბიშვილმა ისაუბრა, აქამდეც გასაკეთებელი იყო

გია ხუხაშვილის კომენტარი

პოლიტოლოგი გია ხუხაშვილი საქართველოს მეხუთე პრეზიდენტის, სალომე ზურაბიშვილის სიტყვით გამოსვლას ეხმაურება და ამბობს, რომ სხვა რამის მოლოდინი ჰქონდა ხალხს, რომ “დღეს მოისმენდნენ პროცესის დაწყებაზე” რამეს და ხალხის როლის აღიარებას – ახალი ლიდერების გამოკვეთის პერსპექტივას დაინახავდნენ. ამის შესახებ მან გადაცემაში “360 გრადუსი“ განაცხადა.

ხუხაშვილის თქმით, წინააღმდეგობის პლატფორმა, რომელზეც ზურაბიშვილმა ისაუბრა, აქამდეც გასაკეთებელი იყო, თუმცა უნდა მოხდეს პლატფორმის ხალხთან დაკავშირება და ინტეგრირება.

"შეიქმნას წინააღმდეგობის პლატფორმა" – ზურაბიშვილის სიტყვა ფართომასშტაბიან აქციაზე. ფოტო და ვიდეო

ზუაბიშვილის თქმით, უნდა შეიქმნას პროევროპული პარტიების მონაწილეობით წინააღმდეგობის პლატფორმა

საქართველოს მეხუთე პრეზიდენტმა, სალომე ზურაბიშვილმა 31 მარტის მასშტაბური აქციის მონაწილეებს სიტყვით მიმართა. მისი თქმით, უნდა შეიქმნას პროევროპული პარტიების მონაწილეობით წინააღმდეგობის პლატფორმა.

გია ხუხაშვილი: “წინააღმდეგობის პლატფორმა გასაგებია. ეს პლატფორმა რომ შესაქმნელია ამაზე ჩვენც გვისაუბრია არაერთხელ. აქამდეც გასაკეთებელი იყო ეს ყველაფერი, მაგრამ ისევ და ისევ პოლიტიკური ელიტის დომინირებით, ხომ? ისევ საუბარია პოლიტიკური პარტიების მაგიდაზე პრეზიდენტთან ერთად, მაგრამ არ ჩანს ბმა მაგიდასა და პროტესტს შორის, ხალხს შორის, რომელიც ოთხ თვეზე მეტია დგას ქუჩაში.

შენ შეგიძლია რაღაც მაგიდა შექმნა, მაგრამ თუ არ მოხდა ამის პროტესტში ინტეგრირება, პროტესტმა თუ არ აღიარა ეს პოლიტიკური პარტიები, ეს ყველაფერი დარჩება უბრალოდ მორიგ მცდელობად პარტიების მხრიდან, რომ რაღაც გააკეთონ. მამოძრავებელი ძალა არის ხალხი. პარტიები თავის თავად ხალხის მხარდაჭერის გარეშე არაფერს წარმოადგენენ.

იმისათვის, რომ შენ ასეთი მაგიდა შექმნა, როცა პოლიტიკური პროცესის ლიდერობაზე გაქვს პრეტენზიები, პირველ რიგში ხალხმა უნდა გაღიაროს შენ, როგორც ლიდერი. ასეთი აღიარება პირადად სალომე ზურაბიშვილს აქვს, მაგრამ ნუ დავმალავთ, რომ პარტიებს არ აქვთ ეს აღიარება.

ზუსტად ამიტომ ისმოდა უკმაყოფილო შეძახილები. ალბათ, გარკვეული იმედგაცრუება იყო ზუსტად იმით, რომ ის საუბრობდა ისევ პარტიების კოორდინაციაზე. მე წინააღმდეგობის მოძრაობის ეს ფორმატი ცოტა სხვანაირად წარმომედგინა

ყველას აქვს ამ პროცესში თავისი როლი და წამყვანი როლი ეკუთვნის ხალხს, იმ უამრავ პროფესიულ თუ სოციალურ ჯგუფს, რომელთა მარშიც ვიხილეთ, ვინც რეალურად უქმნის პრობლემას ხელისუფლებას.

როდესაც კეთდება წინააღმდეგობის მაგიდა და ეს ხალხი არ არის წარმოდგენილი იმ ადამიანებით, რომლებსაც ისინი ენდობიან და ვიღაც პარტიები რაღაც გადაწყვეტილებას იღებენ, ეს ბადებს ხალხში სკეპტიციზმს და ალბათ, უკმაყოფილებაც ამით იყო განპირობებული.“

იაგო კაჭკაჭიშვილი: პროტესტი მოლოდინის რეჟიმშია – ნებისმიერი გამღიზიანებლის შემთხვევაში შეიძლება ისევ იხუვლოს

“სალომე ზურაბიშვილის პოლიტიკური აქტიურობა შესუსტდა, შენელდა”