არანაირი კორონავირუსი, კარანტინი, ნიღბები და სოციალური დისტანცია - ფოტო „ბაქოს დასახლებიდან“
მაშთაღა – სოფელია, ბაქოდან ერთი საათის სავალ გზაზე. იქ ჯერ არც კორონავირუსს ჩაუღწევია, არც კარანტინს და არც პოლიციას, რომელიც საკარანტინო ზომების დაცვას აკონტროლებს.
![](https://jam-news.net/app/uploads/2020/04/mashtaga-woman-mask-hijab-1024x525.jpg)
თუკი ბაქოში მოქალაქეები მოწყენილობისგან დეპრესიაში არიან, აქ ყველაფერი ჩვეულებრივად მიმდინარეობს – ვაჭრობა, მეზობლების საუბრები პატარა მაღაზიებში და ა.შ. მხოლოდ ერთი რამე შეიცვალა – მაშთაღელები „ქალაქისგან“ მოწყვეტილები აღმოჩნდნენ, როგორც ადგილობრივები ბაქოს რამდენიმე ცენტრალურ რაიონს უწოდებენ.
![](https://jam-news.net/app/uploads/2020/04/mashtaga-azerbaijan-coronavirus-quarantine-stores-mosque-1024x518.jpg)
![](https://jam-news.net/app/uploads/2020/04/mashtaga-azerbaijan-coronavirus-quarantine-man-stores-groseries-1024x585.jpg)
![](https://jam-news.net/app/uploads/2020/04/mashtaga-azerbaijan-coronavirus-quarantine-a-woman-wearing-mask-with-a-bag-motorsycle-1024x603.jpg)
![](https://jam-news.net/app/uploads/2020/04/bus-1024x683.jpg)
აი, მაგალითად, ამ ავტობუსს, მაშთაღიდან გასვლისას პოლიციელები შეამოწმებენ – მგზავრებს სახლიდან გასვლის ხელისუფლების მიერ სმს-ნებართვის წარდგენას მოსთხოვენ. მაგრამ გასვლამდე ჯერ კიდევ უნდა იარონ და იარონ, ასე რომ, „სმს-ის გარეშე გასვლა“ შესაძლოა დიდ მანძილზეც.
![](https://jam-news.net/app/uploads/2020/04/mashtaga-azerbaijan-coronavirus-quarantine-boy-wearing-mask-1024x592.jpg)
![](https://jam-news.net/app/uploads/2020/04/mashtaga-azerbaijan-coronavirus-quarantine-eggs-products-seller-2-1024x836.jpg)
ნატურალური პროდუქტების გამყიდველი, რომლის სახელსაც ჩვენ ეთიკისა და უსაფრთხოების გამო არ დავასახელებთ, საკუთარ საქონელთან, ჩრდილში, ძველ დივანზე ზის. ხანდახან, იმავე დივანზე იკრიბება ერთგვარი „კლუბი“ – მეზობლები საჭორაოდ გამოდიან. ბუნებრივია, ყველანაირი ნიღბებისა და სოციალური დისტანციის დაცვის გარეშე.
![](https://jam-news.net/app/uploads/2020/04/sofa-1024x789.jpg)
მიუხედავად მეზობლებსა და ნათესავებთან მიმართებით ასეთი უყურადღებობისა, მაშთაღელები მგრძნობიარეები არიან სხვადასხვა სოფლის ერთმანეთისგან იზოლირების საკითხების მიმართ.
აი, რას ამბობს ერთ-ერთი მათგანი: „ნათესავებთან ნარდარანში არ დავდივარ, მეშინია. ღმერთმა არ ქნას, მათ სოფელში ვინმე დაავადდეს, ჩემგან რომც არ დაინფიცირდეს, მაინც მე დამადანაშაულებენ“.
![](https://jam-news.net/app/uploads/2020/04/mashtaga-azerbaijan-coronavirus-quarantine-cat-baku-1-1024x683.jpg)
ხის ყუთებს, როგორც წესი, საქონლის მიწოდებისთვის იყენებენ.
![](https://jam-news.net/app/uploads/2020/04/seller-mashtaga-1024x722.jpg)
ერთ-ერთი გამყიდველი ამბობს, რომ რეგიონებიდან ხილ-ბოსტნეულის ჩამოტანა შემცირდა და რთულია გასაყიდი საქონლის შოვნა. და, ამასთან, ცოტა იყიდება – სოფელში ბევრი ადამიანი უმუშევარი დარჩა.