ეგზიტპოლები: თბილისში, დიდი ალბათობით, მეორე ტური იქნება

საქართველოში თვითმმართველობის არჩევნები დასრულდა – ყველა საარჩევნო უბანზე ხმის მიცემა შეწყდა.

კენჭისყრის დასრულებისთანავე სამმა ტელეკომპანიამ – ოპოზიციურმა “მთავარმა არხმა”, ოპოზიციურმა “ფორმულამ” და სამთავრობო “იმედმა” მათი დაკვეთით შესრულებული ეგზიტპოლის შედეგები გამოაქვეყნეს. სამივე შედეგის მიხედვით, თუ გავითვალისწინებთ ცდომილების პროცენტსაც, დიდი ალბათობით, თბილისის მერის ვინაობა მეორე ტურში გაირკვევა.

მეორე ტურში, დიდი ალბათობით, თბილისის მოქმედი მერი, სამთავრობო კანდიდატი კახი კალაძე და ოპოზიციის ლიდერი ნიკა მელია გავლენ.

IPSOS:

Ipsos-ის მიერ, ტელეკომპანია „მთავარის“ დაკვეთით ჩატარებული ეგზიტპოლის შედეგების მიხედვით, თბილისის მერის არჩევნებში 50 %-იანი მხარდაჭერა ვერც ერთმა კანდიდატმა ვერ მიიღო, რაც იმას ნიშნავს, რომ იქნება მეორე ტური.

კერძოდ, კანდიდატებს შორის ხმები ასე ნაწილდება:

„ქართული ოცნება“, კახა კალაძე – 40,2 %

„ნაციონალური მოძრაობა“ და ოპოზიციის ნაწილი, ნიკა მელია – 40,8 %

პარტია „საქართველოსთვის“, გიორგი გახარია – 8,7 %

შედეგები 17:00 საათის მონაცემებს ასახავს. გამოიკითხა 2 ათასზე მეტი ადამიანი.

`GORBI

სახელისუფლებო ტელეკომპანია „იმედის“ დაკვეთით, „გორბის“ მიერ ჩატარებული ეგზიტპოლის მიხედვით დედაქალაქის მერის არჩევნებში კახა კალაძე ლიდერობს.

18 საათის მონაცემები ასე გამოიყურება:

თამარ კეკელიძე – 0.2%;

ნიკა მელია – 34.6;

გიორგი ლომია – 1%;

ანა ბიბილაშვილი – 2%;

რიჩარ ობუნუზუ – 0.6;

გიორგი გახარია – 5.6%;

კახა კალაძე – 51.3%;

ანა დოლიძე – 3.1%;

სხვა კანდიდატი – 1.6%.

გორბის ეგზიტპოლი ქვეყნის მასშტაბით შერჩეულ 120 საარჩევნო უბანზე ჩატარდა, აქედან 48 უბანი დედაქალაქში მდებარეობდა. გამოკითხული რესპონდენტები შერჩეულნი იყვნენ წინასწარ განსაზღვრული მეთოდოლოგიით და ინტერვალით, რათა დაცული ყოფილიყო, საარჩევნო უბნებზე მისულ ამომრჩეველთა რეპრეზენტატულობა. სულ გამოიკითხა 11 000 ამომრჩეველი. შედეგების ცდმილება 95%-იანი სანდოობით ვარირებს, +/-3.

2 ოქტომბრის არჩევნებისთვის 43 საარჩევნო სუბიექტი იყო რეგისტრირებული. ამომრჩევლებმა 64 საკრებულოს 2068 წევრი (როგორც პროპორციული, ისე მაჟორიტარული წესით) და 64 მერი აირჩიეს.

EDISON RESEARCH

Edison Research-ის ეგზიტპოლის შედეგებით, რომელიც ტელეკომპანია „ფორმულას“ დაკვეთით ჩატარდა, თბილისში არჩევნების მეორე ტური იქნება.

კერძოდ, ორგანიზაციის გამოკითხვით, კანდიდატებს შორის ხმები ასე ნაწილდება:

„ქართული ოცნება“, კახა კალაძე – 43%,

„ნაციონალური მოძრაობა“, ნიკა მელია – 39%,

პარტია „საქართველოსთვის“, გიორგი გახარია – 7%.

„ხალხისთვის“, ანა დოლიძე – 4%,

„ლელო“, ანა ბიბილაშვილი – 2%,

„პატრიოტთა ალიანსი“, გიორგი ლომია – 1%

რიჩარდ ოკბუნუჯუ -1%

კვლევა Edison Research-მა ტელეკომპანია “ფორმულას” დაკვეთით ჩაატარა და ის 18:00 საათის მდგომარეობით არსებულ მონაცემებს ასახავს.