დიასკურიის სანაპირო აფხაზეთში მასშტაბური რეაბილიტაციის შემდეგ გაიხსნა. ვიდეო
დიასკურიის სანაპირო აფხაზეთში
აფხაზეთში დიასკურიის სანაპირო მასშტაბური რეაბილიტაციის შემდეგ ხელახლა გაიხსნა. სოხუმის მთავარი პრომენადი ბოლოს 1950-იან წლებში განახლდა.
რესტავრაცია რუსეთის მხარდაჭერით განხორციელდა. რეკონსტრუქციის ღირებულებამ 2,5 მილიარდ რუბლს (დაახლოებით 32 მილიონ აშშ დოლარს) გადააჭარბა.
დაფინანსება რუსეთის რამდენიმე რეგიონს შორის გაიყო.
- დინამიური განათება ნიჟნი ნოვგოროდმა განახორციელა.
- კრასნოდარის მხარე ცნობილი კაფე „ბრეხალოვკას“ მახლობლად მდებარე ნავმისადგომს რეკონსტრუქციას გაუკეთებს.
- რეკონსტრუქციაში რუსეთში მოღვაწე აფხაზი ბიზნესმენებიც მონაწილეობდნენ.
განახლებული სანაპიროს საერთო სიგრძე 1920 მეტრია და 13,7 ჰექტარი ფართობის ტერიტორიას მოიცავს. დიზაინი რუსულმა არქიტექტურულმა ბიურომ Wowhaus შეიმუშავა. შემდეგ ის საჯარო კენჭისყრაზე გავიდა, სადაც 12 000-ზე მეტმა მაცხოვრებელმა დაუჭირა მხარი.
