დამოუკიდებლობის თემაზე პლაკატების გამო აფხაზეთში აქტივისტები დააკავეს
აფხაზეთში ბიჭვინთის აქტივისტები დააკავეს
4 მაისს აფხაზეთში რამდენიმე ახალგაზრდა დააკავეს, რომლებმაც ქალაქში პლაკატები ჩამოკიდეს ცნობილი ადამიანების ციტატებით – ისინი, ვინც მხარს უჭერენ აფხაზეთის დამოუკიდებლობას. ხელისუფლებამ მათ ბრალი ხულიგნობის მუხლით წაუყენა. საზოგადოებაში ამას პროტესტი მოჰყვა.
მათ დააკავეს მოძრაობა “ჩვენი ბიჭვინთის” წარმომადგენლები, რომლებიც 2022 წლის შემოდგომიდან აწარმოებენ აქციებს ბიჭვინთის სახელმწიფო აგარაკის რუსეთისთვის გადაცემის წინააღმდეგ.
- აფხაზეთში საპროტესტო ამომრჩეველი სუვერენიტეტის იდეის გარშემო ერთიანდება
- ულტიმატუმი ასლან ბჟანიას: ოპოზიცია ხელისუფლების გადადგომას და რუსეთისთვის „არას“ თქმას ითხოვს
ახალგაზრდებმა დილიდან გაშალეს პლაკატები – მათში მოცემულია ციტატები აფხაზეთის პირველი პრეზიდენტის, ვლადისლავ არძინბას, ცნობილი მწერლის ფაზილ ისკანდერისა და სხვების.
ასევე იყო პლაკატი ამჟამინდელი პრეზიდენტის ,ასლან ბჟანიას ციტატით: „პოლიტიკური გზა რომელსაც ახლა ჩვენ ვადგავართ, საბოლოოდ დაუბრუნდება იმ მდგომარეობას, როდესაც ჩვენ, აფხაზები,17 პროცენტი ვიყავით“.
თავდაპირველად პლაკატების დარიგებით რამდენიმე ჯგუფი იყო დაკავებული. პოლიციის თანამშრომლებმა ერთი მათგანი დააკავა, რომელმაც ვერც ერთი პლაკატი ვერ დაკიდე – ვერ მოასწრო.
კომენტარი
ინალ ხაშიგი, JAMnews-ის რედაქტორი აფხაზეთში / ჩეგემსკაია პრავდას რედაქტორი
“ჩინოვნიკები ცდილობენ წარმოაჩინონ, რომ ახალგაზრდა აქტივისტების დაკავებაში პოლიტიკა არ არის – მაგრამ აქ პოლიტიკა შეუიარაღებელი თვალითაც ჩანს.
როცა ღამით სისხლის სამართლის გამოძიების თანამშრომლები მიზანმიმართულად მიჰყვებიან შენს მანქანას და გაკავებენ სალონში ნაპოვნი პლაკატების გამო ცნობილი ადამიანების ციტატებით, სადაც ექსტრემიზმის მინიშნებაც კი არ არის. შემდეგ მიგიყვანენ მეტროპოლიტენის პოლიციის განყოფილებაში, მერე თვითონ შინაგან საქმეთა მინისტრიც მოვა.
მხოლოდ გულუბრყვილოები ჩათვლიან ამას არა პოლიტიკად.
მნიშვნელოვანია სხვა მოვლენების კონტექსტი: აფხაზეთის იურისდიქციასთან ერთად ცნობილ ბიჭვინთის ნახევარს ძალაუფლება უაზროდ თმობს. პრეზიდენტი აპირებს უცხო ქვეყნის მოქალაქეები დაასაქმოს აქ და ჩვენს ხალხს ეს არ მოსწონს.
ამ კონტექსტში, ახალგაზრდების მოწოდებები ქვეყნის სუვერენიტეტის დაფასებისკენ უდიდეს გამოწვევასა და საფრთხეს ჰგავს ხელისუფლებისთვის.
ბოლოს და ბოლოს, ნამდვილად აბსურდია ახალგაზრდების დაკავება და დაჯარიმება ვლადისლავ არძინბას ციტატით გამოსახული პლაკატების გამო, რომელიც დგას ამ სახელმწიფოს საწყისებზე, სადაც მთავარი იდეაა: გიყვარდეს შენი ხალხი და შენი სახელმწიფო..
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო.”
