ასლან ბჟანიას კორონავირუსი დაუდასტურდა თუ პუტინთან შეხვედრისთვის ემზადება?
ასლან ბჟანია პუტინთან შეხვედრისთვის ემზადება?
აფხაზეთის ე.წ. პრეზიდენტი ასლან ბჟანია კარანტინშია. ოფიციალურ მიზეზად კორონავირუსის ტესტზე დადებით პასუხს ასახელებენ, თუმცა, სოციალურ ქსელებში ეჭვობენ, რომ ოფიციალური მიზეზი სიმართლე არ არის და მათი აზრით, თვითიზოლაციის მიზანი რუსეთის პრეზიდენტთან, ვლადიმირ პუტინთან მოსალოდნელი შეხვედრაა.
ბჟანიამ თვითიზოლაციაში გადასვლა სამშაბათს, 14 მარტს გადაწყვიტა, რადგან თავს ცუდად გრძნობდა. პრეზიდენტის პრესსამსახურის ცნობით, COVID-19-ის ანტიგენზე სწრაფმა ტესტირებამ დადებითი პასუხი აჩვენა. ასლან ბჟანიამ ასევე გაიარა ლაბორატორიული PCR ტესტირება ინფექციის არსებობის მაღალი სიზუსტით დასადგენად.
„ამჟამად შედეგების მოლოდინშია. ინფექციის გავრცელების პრევენციის მიზნით, პრეზიდენტმა მიიღო გადაწყვეტილება გადავიდეს თვითიზოლაციაში, ზუსტი ლაბორატორიული ტესტირების შედეგების მიღებამდე“, – აცხადებენ პრესსამსახურში.
- „მეორე ფრონტის“ საფრთხე, ანტირუსული სანქციები და არარსებული რეფორმები – დისკუსია აფხაზეთში
- ახალი „კანონი ბინების შესახებ“ აფხაზეთში – რას ნიშნავს და რა საფრთხეებს შეიცავს
- აფხაზეთის ოპოზიციის ლიდერმა პრეზიდენტს რვა შეკითხვა დაუსვა და მიანიშნა, რომ მისი გადადგომის დროა
ამავდროულად, სოციალური ქსელებში არ არიან დარწმუნებული, რომ ეს მართლაc ასეა.
„იგეგმება თუ არა ასლან ბჟანიას ვლადიმირ პუტინთან შეხვედრა? საყოველთაოდ ცნობილია, რომ რუსეთის ფედერაციის პრეზიდენტთან შეხვედრა შესაძლებელია მხოლოდ თვითიზოლაციის პერიოდის გავლის შემდეგ. პუტინი ესაუბრა ბაშარ ალ-ასადს და შეხვდა გაგლოევს. სურათის დასასრულებლად საჭიროა აფხაზეთის პრეზიდენტთან შეხვედრა, განსაკუთრებით საქართველოში განვითარებული მოვლენების ფონზე“, – წერს პოპულარული ტელეგრამ-არხი „აფხაზეთის ცენტრი“.
ასლან ბჟანიას შეეძლო კარანტინში გადასვლა ყოველგვარი აფიშირების გარეშე და ამას ვერავინ გაიგებდა, თუ გავითვალისწინებთ იმას, რომ ის დროდადრო ერთი-ორი კვირით ისედაც ქრება ხოლმე საინფორმაციო ველიდან და ეს უკვე ჩვეულებრივი მოვლენაა. თუმცა, მეორე მხრივ, ახლა ეს გაცილებით რთულია, რადგან 15-16 მარტს აფხაზეთში „მარტის სამხედრო ოპერაციის“ მსხვერპლთა ხსოვნას პატივი მიაგებენ.
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
