ასლან ბჟანია დაღუპულთა საფლავებზე სიცილის გამო გააკრიტიკეს
ოპოზიციამ ასლან ბჟანია გააკრიტიკა
აფხაზეთის ე.წ. პრეზიდენტი ასლან ბჟანია ოპოზიციის მწვავე კრიტიკის ობიექტი გახდა, მათი აზრით, ბჟანიას არაადეკვატური ქცევის გამო დიდების მემორიალზე, სადაც აფხაზეთის ომში დაღუპულები არიან დაკრძალული. ოპოზიციამ მკრეხელობად მიიჩნია ბჟანიას სიცილის ფოტოები საფლავების ფონზე.
სიტუაციას ისიც ამძიმებს, რომ ეს ფოტოები 30 სექტემბერს არის გადაღებული, როცა აფხაზეთში გამარჯვებისა და დამოუკიდებლობის დღე აღინიშნება. აფხაზებისთვის ეს არ არის იმდენად დღესასწაული ტრადიციული გაგებით, რამდენადაც მიცვალებულთა ხსენების დღე.
“30 სექტემბერს, გამარჯვების დღეს, დედები, ომის ვეტერანები და მოხალისეები ცრემლიანი თვალებით იდგნენ ვაჟკაცების საფლავებთან.
პარალელურად, ასლან ბჟანია ხუმრობდა და ხმამაღლა იცინოდა, იმ ადგილას, სადაც დაკრძალულები არიან გმირები, რომლებმაც სიცოცხლე გაწირეს იმისთვის, რომ ჩვენ გვეცხოვრა და გაგვეზარდა ბავშვები პატრიოტიზმისა და ქვეყნის პატივისცემის სულისკვეთებით“, – აცხადებენ ოპოზიციური ორგანიზაციების ერთობლივ განცხადებაში.
- 27 სექტემბერი – სოხუმის დაცემის დღე. ქართველები ტოვებენ აფხაზეთს. ფოტოარქივი
- როგორ მუშაობენ ქართველები და აფხაზები ერთად? | ენგურჰესის დირექტორი ლევან მებონია
ოპოზიციონერები ბჟანიას ამ საქციელს იმით ხსნიან, რომ ის თავად არ მონაწილეობდა ომში და ომის შემდგომ წლებში, როცა აფხაზეთი ბლოკადაში იყო, რუსეთში ბიზნესით იყო დაკავებული.
“ასლან ბჟანია აფხაზეთში მხოლოდ 2010 წელს გამოჩნდა და ვერ გრძნობს იმ ტკივილს, რაც ჩვენმა ხალხმა გამოიარა ომისა და ბლოკადის წლებში“, – ამბობენ თავიანთ განცხადებაში ოპოზიციონერები.
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
