აფხაზეთის პარლამენტის წევრმა კან კვარჩიამ და ოპოზიციონერმა ლევან მიქაამ, რომლებსაც რუსეთის მოქალაქეობა ჩამოართვეს, ბრიფინგი გამართეს. პოლიტიკოსის თქმით, ამ ინფორმაციის ოფიციალური დადასტურება ჯერ ვერ მიიღეს, თუმცა საკუთარი წყაროებით გაიგეს, რომ ეს სიმართლეა.
მთავარი კითხვა რჩება ღია: რატომ? მედია მხოლოდ აღნიშნავს, რომ რუსეთის დაზვერვის სამსახურები მათ ქმედებებს ეროვნული უსაფრთხოებისთვის საფრთხედ აღიქვამენ. მაგრამ რა ქმედებებზე და რა საფრთხეზეა საუბარი, გაუგებარია.
თუმცა, ეს კითხვა საკმაოდ რიტორიკულია. ყველაფერი ნათელია: კან კვარჩია და ლევან მიქაა კრემლისთვის მომგებიანი კანონპროექტებისა და შეთანხმებების ყველაზე შეურიგებელი და აქტიური მოწინააღმდეგეები არიან.
კერძოდ, საუბარია შეთანხმებაზე, რომელიც რუს ინვესტორებს აფხაზეთში უპრეცედენტო სარგებელს აძლევს. 2024 წლის ნოემბერში ოპოზიციამ მაინც მოახერხა, რომ შეთანხმების რატიფიცირება არ მომხდარიყო. ასე რომ, კრემლი ახლა ძალიან გაბრაზებულია როგორც კვარჩიაზე და მიქააზე, ასევე მთლიანად აფხაზურ ოპოზიციაზე.
მაგრამ თავად კან კვარჩიას და ლევან მიქაას არ ესმით, როგორ შეიძლება აფხაზეთის ინტერესების დაცვა „რუსეთის უსაფრთხოებისთვის საფრთხის“ განმარტებაში მოხვდეს.
„ჩვენ ყოველთვის ვმოქმედებდით ჩვენი სამშობლოს ინტერესებიდან გამომდინარე და არასდროს ვყოფილვართ რუსეთის წინააღმდეგ. ის გარემოებები, რომლებშიც ჩვენ დავკარგეთ მოქალაქეობა, აჩენს კითხვებს. ფორმულირება “უსაფრთხოების საფრთხის” შესახებ დამაბნეველია. ჩვენ არ დაგვირღვევია რუსული კანონები აფხაზეთში.” – განაცხადა ლევან მიქაამ.
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო