აფხაზეთში კორონავირუსით დაინფიცირდა უკვე არა მხოლოდ პრეზიდენტი, არამედ პრემიერი და პარლამენტის თავმჯდომარეც

აფხაზეთში, უკვე სამივე უმაღლესი თანამდებობის პირი დაინფიცირდა COVID-19-ით – პრეზიდენტის, ასლან ბჟანიას შემდეგ, ვირუსი გამოუვლინდათ პრემიერ-მინისტრ ალექსანდრ ანქვაბსა და პარლამენტის სპიკერ ვალერი კვარჩიას. 

პრეზიდენტი საკუთარ რეზიდენციაში მკურნალობს, სპიკერი კი – სახლში. 

რაც შეეხება პრემიერ-მინისტრს, მისი გუდაუთის საავადმყოფოში გადაყვანა გახდა საჭირო, რომელიც სპეციალურად კორონავირუსით ინფიცირებულთა სამკურნალოდ არის გამოყოფილი. 

ოფიციალური ინფორმაციით, ანქვაბის მდგომარეობა „სტაბილურია, მაგრამ აუცილებლად ესაჭიროება სტაციონარულ პირობებში დაკვირვება“. სავარაუდოდ, მას სამკურნალოდ რუსეთში გადაიყვანენ. 

სულ, პანდემიის დაწყებიდან, აფხაზეთში, კორონავირუსით დაინფიცირდა 9 323 ადამიანი. მათგან, 131 პაციენტი გარდაიცვალა, 7 187 პირი კი გამოჯანმრთელდა. 

• აფხაზეთში პანდემიის გამო სკოლები ისევ დაიხურა
• აფხაზეთში პრეზიდენტმა საავადმყოფოში კომპიუტერული ტომოგრაფის მეთვალყურედ უშიშროების ოფიცერი დანიშნა
• აფხაზი ექიმები შიშობენ, რომ ჯანდაცვის სისტემა რუსეთთან საზღვრის გახსნას ვერ გაუძლებს

სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად.ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო