აფხაზეთში COVID-19-ით ინფიცირების პირველი შემთხვევა დაფიქსირდა

7 აპრილს, აფხაზეთში, COVID-19-ით ინფიცირების პირველი შემთხვევა დაფიქსირდა. გუდაუთის ინფექციური საავადმყოფოს ერთ-ერთი პაციენტისთვის კორონავირუსზე ჩატარებულმა ორივე ტესტმა დადებითი პასუხი აჩვენა.

აფხაზეთის ხელისუფლებამ დაუყოვნებლივი რეაგირება მოახდინა და სრულად ჩაკეტა საზღვრები, მათ შორის, საკუთარი მოქალაქეებისთვის.

ჯერჯერობით გამონაკლისი დაიშვება მხოლოდ დიპლომატებისთვის, აფხაზეთში რუსული სამხედრო ბაზის სამხედრო მოსამსახურეებისა და სატვირთო ავტომობილების მძღოლებისათვის.

ინფიცირებულია აფხაზეთის მოქალაქე, რომელიც დიდი ხნის განმავლობაში, მივლინებით რუსეთში იმყოფებოდა. ის ცოტა ხნის წინ დაბრუნდა გაგრაში, სადაც მისი ოჯახი ცხოვრობს.

ახლა, ხელისუფლება ცდილობს განსაზღვროს იმ პირთა წრე, რომელსაც კონტაქტი ჰქონდა ინფიცირებულთან და კარანტინში მოათავსოს ისინი.

ეს COVID-19-ის პირველი შემთხვევაა, რომელიც ოფიციალურად დადასტურდა აფხაზეთის ტერიტორიაზე.

მანამდე, ვირუსი გამოუვლინდა გალის რაიონის მცხოვრებს, რომელიც რუსეთიდან სახლში 28 მარტს დაბრუნდა და იმავე დღეს თავი შეუძლოდ იგრძნო. ის ერთ-ერთ ქართულ კლინიკაში გადაიყვანეს, სადაც მას COVID-19-ის დიაგნოზი დაუსვეს.

სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო