აფხაზეთში აქტივისტი თანამდებობის პირს ცილისწამებაში ადანაშაულებს, ჩინოვნიკი - ანტირუსული განწყობების გაღვივებაში
აქტივისტები აფხაზეთში
აფხაზეთში ახალგაზრდული ორგანიზაციის ҲараҲПицунда (“ჩვენი ბიჭვინთა“) აქტივისტმა ლია აგრბამ მიმართა გენერალურ პროკურატურას, რათა დაეკისროს საჯარო პალატის წევრს, დავით ფილიას სისხლის სამართლის პასუხიმსგებლობა ცილისწამებისთვის. მისი თქმით, ფილია მიზანმიმართულად ცრუ ინფორმაციას ავრცელებს, რომელიც ლახავს ორგანიზაციის წევრების პატივსა და ღირსებას და ძირს უთხრის მათ რეპუტაციას.
პროკურატურასთან დაკავშირების მიზეზი გახდა ფილიას ინტერვიუ, რომელშიც მან დაადანაშაულა ორგანიზაციის წარმომადგენლები საპროტესტო აქციების არა მოტივაციის, არამედ დიდი ფულის გამო ორგანიზებაში და ანტირუსული განწყობების გაღვივებაში.
საუბარია შარშანდელ პროტესტზე ბიჭვინთაში ცნობილი სახელმწიფო აგარაკის რუსეთისთვის გადაცემის შესახებ შეთანხმების რატიფიცირების წინააღმდეგ.
- სოხუმი ადგილობრივ არასამთავრობო ორგანიზაციებს „დივერსიულ“ საქმიანობაში და საქართველოს ინტერესების გატარებაში ადანაშაულებს
- ბიჭვინთაში სახელმწიფო აგარაკის “არასწორმა“ გადაცემამ აფხაზეთის პრეზიდენტს გადაუჭრელი პრობლემა შეუქმნა – მოსაზრება
“ვფიქრობ, ასე ფარავენ [სახალხო პალატა] თავიანთ წარუმატებლობას და ამით თხრიან უფსკრულს მთელ აფხაზ ხალხთან. შეუძლებელია ეს ადამიანები დავარწმუნოთ იმაში, რომ ჩვენ ვიცავთ სრულიად განსხვავებულ მსოფლმხედველობას და პრინციპებს და ვართ სუფთები ჩვენს აზრებსა და მოქმედებაში. შეუძლებელია მათთვის ახსნა იმისა, რომ სამშობლოს უანგარო სიყვარული შეიძლება და აუცილებელია“, – ამბობს ლია აგრბა.
გოგონა დასძენს, რომ მისთვის ყველაზე მტკივნეული ის არის, რომ ფილია და მისნაირები მეთოდურად ცდილობენ დაგმონ და დისკრედიტაცია გაუკეთონ იმ ფასეულობებს, რომლებსაც ყოველთვის აფასებდნენ აფხაზურ საზოგადოებაში – თავისუფლების სიყვარული, დემოკრატია, საკუთარი აზრის უფლება და მისი დაცვის უნარი.
როგორც ლია აგრბა აცხადებს, სიცრუეა ფილიას განცხადება იმის თაობაზე, რომ ორგანიზაციამ აფხაზეთში რუსეთის საელჩოს წინ აქცია გამართა და ამით ანტირუსული განწყობები გააღვივა.
“ჩვენ არ დავდექით საელჩოს წინ, ჩვენ იქ უბრალოდ გავიარეთ. ჩვენ არანაირი პრეტენზია არ გვაქვს რუსეთის სახელმწიფოს მიმართ, რადგან ყველაფერი, რაც საზოგადოების უარყოფით რეაქციას იწვევს, აქ ხდება ჩვენი აფხაზი ჩინოვნიკების ხელით.“ – განმარტავს აგრბა.
მისი თქმით, ერთადერთი რუსული თემატიკის პლაკატი, რომელიც მათ საპროტესტო აქციების დროს გამოიყენეს, იყო ლოზუნგით “მე მიყვარს რუსეთი. რატიფიკაციის წინააღმდეგი ვარ“.
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
