აფხაზეთის რეაქცია რუსეთში სამხედრო ამბოხების მცდელობაზე
რუსეთში განვითარებულ მოვლებს – “ვაგნერის” სამხედრო აჯანყებას – ყურადრებით აკვირდებოდნენ სოხუმში.
აფხაზეთის მთავრობამ გააძლიერა კონტროლი რუსეთთან საზღვარზე და საქართველოსთან კონფლიქტის ხაზზე; მათ ასევე სცადეს დაეცვათ კრიტიკული ინფრასტრუქტურის ობიექტები.
ოპოზიციურმა ორგანიზაცია „არუაამ“, რომელიც აერთიანებს აფხაზეთის ომის ვეტერანებს, თანამემამულეებს მიმართა და აჯანყებას „რუსეთის შიდა საქმე“ უწოდა. ასევე, ორგანიზაციამ მოუწოდა აფხაზეთის ყველა პოლიტიკურ ორგანიზაციას და მოქალაქეებს დროებით გადადონ ყველა უთანხმოება და საჭიროების შემთხვევაში, ერთობლივად მიიღონ ზომები “აფხაზეთის დასაცავად.”
- “ჩვენ არავის ვალი არ გვაქვს” – მოსაზრება აფხაზეთიდან
- დათბობა საქართველოსა და რუსეთს შორის: რას ელიან და რის ეშინიათ აფხაზეთში
შინაგან საქმეთა ყოფილი მინისტრი, აფხაზეთის გმირი ასლან კობახია თვლის, რომ რუსეთში ოლიგარქებზე ფსონის დადების გამო, კრიზისი საკმაოდ პროგნოზირებადი იყო. მან მოუწოდა აფხაზეთის ხელისუფლებას უფრო რაციონალური იყოს.
„ჩვენ ყველა ძალიან ფხიზლად უნდა ვიყოთ. ნუთუ გაუგებარია, რომ ჩვენს მეზობლებს დიდი პრობლემები აქვთ და მათ ჩვენთვის არ სცხელათ? ნუთუ მართლა ფიქრობს ვინმე, რომ აფხაზეთის საკეთილდღეოდ იმოქმედებენ ის ოლიგარქები, რომლებმაც საკუთარი ქვეყანა ეროვნული კატასტროფის პირას მიიყვანეს? აფხაზეთის დამოუკიდებლობა რუსეთმა 15 წლის წინ აღიარა, თუმცა აქამდე არცერთ ამ ნაბიჭვარს ჩვენი ქვეყნისკენ არც კი გამოუხედავს. და როცა მთელი მსოფლიო ჩაუკეტეს, მერე გაახსენდათ ვიღაცებს აფხაზეთის არსებობის შესახებ.“ – წერს ასლან კობახია სოციალურ ქსელში.
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
