სახელმწიფო სათათბირომ პირველი მოსმენით მიიღო კანონი ოჯახური ძალადობის დეკრიმინალიზაციის შესახებ

TAGS: რუსეთი, ახალი ამბები, სახელმწიფო სათათბირო, ოჯახური ძალადობა

რუსეთის ფედერაციის სახელმწიფო სათათბირომ  22 იანვარს პირველი მოსმემით მიიღო კანონი ოჯახური ძალადობის დეკრიმინალიზაციის შესახებ.

პროექტის თანახმად, ოჯახური ძალადობის პირველი შემთხვევა, რომელსაც ჯანმრთელობის დაზიანება არ მოჰყვება, არა სისხლის სამართლის მუხლის მიხედვით, არამედ ადმინისტრაციულად დაისჯება – ჯარიმით ან 15 დღე-ღამით პატიმრობით.

კანონპროექტის ავტორები არიან „ედინაია როსიას“ დეპუტატები ოლგა ბატალინას ხელმძღვანელობით, ასევე – ფედერაციის საბჭოს წევრი ელენა მიზულინა და რამდენიმე სენატორი.

ეს ინიციატივა წარმოადგენს პასუხს გასული წლის ივნისში სისხლის სამართლის კოდექსში შტანილ ცვლილებებზე, რომელთა თანახმად ცემის ფაქტის დეკრიმინალიზაცია მოხდა. თუმცა, ერთ-ერთი გამონაკლისი გახდა ახლო ნათესავების ცემა, რისთვისაც გათვალისწინებულია სისხლის სამართლის პასუხისმგებლობა.

სენატორი ელენა მიზულინა მაშინვე გამოვიდა ამ ცვლილებების წინააღმდეგ და განაცხადა, რომ ის „ანტიოჯახურია“. „კანონი კრძალავს ოჯახში შერიგებასა და პატიებას. მაგრამ პატიების უნარი  – ეს ეროვნული ტრადიციის ნაწილია, კერძოდ, მართლმადიდებლური ტრადიციის. და ამ თვალსაზრისით, „ გატყეპვის შესახებ კანონი“ ოჯახის მიმართ სიძულვილის აქტად იქცა“, – აღშფოთებით აცხდებდა მიზულინა ტრიბუნიდან.

ცვლილებების ინიციატორები მანამდე აცხდებდნენ, რომ დაჩქარებული წესით, იანვრის ბოლომდე აპირებებენ ოჯახური ძალადობის დეკრიმინილიზაციის შესახებ კანონის მიღებას.