"ცუდი მოსავალი“: ვინ ან რა არის დამნაშავე აფხაზეთში სასტუმროების ზარალში

ტურისტული სეზონი 2025 წელს აფხაზეთში

აფხაზეთში ტურისტული სეზონი ტრადიციულად ივლისის შუა რიცხვებში აღწევს პიკს, თუმცა ამჯერად ადგილობრივი მეწარმეების შეფასებით, სეზონი ჯერ მხოლოდ ახლა იწყება. ტურიზმზე დამოკიდებულ რეგიონში მსგავსი სიტუაცია იშვიათად ფიქსირდება და უკმაყოფილება როგორც ადგილობრივ ბიზნესში, ისე ფართო საზოგადოებაში უკვე საგრძნობია.

აფხაზური მედიის ცნობით, ერთ-ერთ მთავარ პრობლემად მიიჩნევა რუსული ტუროპერატორის — “ბიბლიო-გლობუსის“ — საქმიანობა. კომპანიას ბრალს სდებენ დაჯავშნული ტურების გაუქმებაში, რამაც სასტუმროების მფლობელებს მნიშვნელოვანი ზარალი მიაყენა.

სოხუმის აეროპორტი 30-წლიანი პაუზის შემდეგ გაიხსნა — აფხაზეთში რუსეთის ავიარეისები შესრულდა. ვიდეო

აეროპორტს საერთაშორისო ლიცენზიის არარსებობის გამო, სხვა ქვეყნებთან საჰაერო მიმოსვლა შეუძლებელია

სად წავიდნენ ტურისტები?

სოხუმში, ერთ-ერთ ყველაზე ტურისტულ რაიონში — მაიაკში — ტურისტული სეზონი უჩვეულოდ წყნარად მიმდინარეობს. ზღვისპირა უბანში, სადაც თითქმის ყველა სახლი ან სრულად იქცევა მინიჰოტელად, ან ოთახებს აქირავებს დამსვენებლებისთვის, ამჟამად ბევრი საცხოვრებელი ცარიელია — როგორც მაიაკში, ისე ქალაქის სხვა ნაწილებში.

“ივნისსა და ივლისის დასაწყისში საერთოდ არავინ გვყავდა. ვფიქრობ, ეს ამინდის, ზოგადი ფონის და ინფორმაციული ომის ბრალია. ბევრი შიშობს, რომ შესაძლოა ტერაქტები მოხდეს — ამიტომ არც თვითმფრინავით სურთ ჩამოსვლა, არც მატარებლით მგზავრობა,“ — ამბობს სინოპის რაიონის ერთ-ერთი მცირე სასტუმროს მფლობელი.

მისი თქმით, მეწარმეები ჯერ კიდევ ზამთარში მიხვდნენ, რომ სეზონი შეიძლება ჩავარდნილიყო. ეს იმ ფონზე, როცა რუსეთის ტელეარხებზე ხშირად გადიოდა სიუჟეტები ტერორისტული საფრთხეების შესახებ აფხაზეთში. რუსეთის ტუროპერატორთა ასოციაციამ კი ტურისტებს მოუწოდა, თავი შეეკავებინათ აფხაზეთში დასვენებისგან — არგუმენტით, რომ რეგიონი შესაძლოა არ იყოს უსაფრთხო.

“ეს ყველაფერი ზუსტად იმ დროს მოხდა, როცა ადამიანები ჩვეულებრივ გეგმავენ ზაფხულის შვებულებას. თან დოლარის კურსი დაეცა, და ბევრმა შეძლო უფრო პოპულარულ მიმართულებებზე არჩევანის გაკეთება — მაგალითად, თურქეთსა და ეგვიპტეში“, — აღნიშნავს სასტუმროს მფლობელი.

როგორც ჩანს, რეგიონში ერთ-ერთი მთავარი ეკონომიკური სექტორი — ტურიზმი — წელს განსაკუთრებით მოწყვლადია. და მიუხედავად იმისა, რომ რეგიონში პირველი მაისიდან ამოქმედდა პირდაპირი ავიარეისები რუსეთიდან, ზაფხულის შუაში ტურისტების ნაკადი საგრძნობლად შემცირებულია. ადგილობრივი მეწარმეები გაურკვევლობაში იმყოფებიან და იმედოვნებენ, რომ სიტუაცია აგვისტოში მაინც გამოსწორდება.

„წადით მერე ევროპაში, ვინ გიშლით?“ რიწის ტბა და მისი ტურისტები

როგორ ისახება რუსეთში მომხდარი მოვლენები აფხაზეთის ტურისტულ ბიზნესზე და რითი არიან უკმაყოფილო ტურისტები და მასპინძლები

“დაზოგე სასტუმროში – დახარჯე რესტორანში“

სოხუმში ადგილობრივი სასტუმროების მფლობელები ტურისტული სეზონის ჩავარდნის მთავარ მიზეზად ერთხმად ასახელებენ რუსულ ტუროპერატორს “ბიბლიო-გლობუსს“. მათი მტკიცებით, კომპანია სასტუმროებში ნომრებს მთელი წლის განმავლობაში ფიქსირებულ ფასად ქირაობს, შემდეგ კი თვითონ სთავაზობს დამსვენებლებს დაბალ ფასს — ბევრად დაბალს, ვიდრე საშუალო საბაზრო ღირებულებაა.

მაგალითად, 2025 წლის აპრილში პოპულარულ სასტუმრო “სულის ქვეყანაში“ ნომრები სამჯერადი კვებით, პრაქტიკულად უფასოდ — დღეში 2-3 დოლარად — ქირავდებოდა.

როგორც სასტუმროს მფლობელი მიხეილ სიჭინავა განმარტავს, მსგავსი ფასები მხოლოდ სეზონის მიღმა წესდებოდა, როგორც ერთჯერადი აქცია იმისთვის, რომ ახალ ტურისტებს აფხაზეთი გაეცნოთ. მისი თქმით, „თუნდაც დამსვენებელმა იაფად იქირავოს ოთახი, ის მაინც დახარჯავს ფულს ადგილობრივ კაფეებსა და რესტორნებში, იყიდის ღვინოს და სუვენირებს — რაც ადგილობრივ ეკონომიკას მაინც წაადგება“.

ამ არგუმენტს ყველა არ ეთანხმება. მაიაკის რაიონში მცხოვრები ანჟელა (სახელი შეცვლილია), რომელიც უკვე მესამე წელია საკუთარი ეზოში ექვს ნომერს აქირავებს, ამბობს, რომ მსგავსმა პრაქტიკამ სხვა მცირე მეწარმეებიც აიძულა, ფასები შეემცირებინათ, რაც მათთვის წამგებიანია.

„მე არ ვაპირებ გადავიხადო გადასახადები, სანამ არ დავფარავ იმ ხარჯებს, რაც ნომრების აშენებას ხმარდა“, — აცხადებს ის.

თუ 2024 წლის ზაფხულში მაიაკში ოთახები საშუალოდ 2500-5000 რუბლად (დაახლოებით 33-66 დოლარი) ქირავდებოდა, 2025 წლის სეზონზე ფასები 1500-3000 რუბლამდე (დაახლოებით 20-40 დოლარი) ჩამოვარდა. თუმცა ტურისტების ნაკადი მაინც არ გაზრდილა.

ადგილობრივი სასტუმროების მფლობელები მოითხოვენ, რომ „ბიბლიო-გლობუსის“ საქმიანობას მეტი კონტროლი დაეწესოს. მათი შეფასებით, ასეთი დაბალი ფასები არა მხოლოდ მავნებელია მცირე ბიზნესისთვის, არამედ ხელოვნურად აჩენს ილუზიას, რომ რეგიონში ტურიზმი ვითარდება — მაშინ, როცა რეალურად ბევრი ოჯახი ზარალობ

აფხაზ გიდებს არ სურთ რუსი კოლეგების საკუთარ ტერიტორიაზე შეშვება

რუსი გიდების ადგილობრივ ინდუსტრიაში შესვლა აფხაზეთის მოსახლეობის 13%-ს საარსებო წყაროს გარეშე დატოვებს.

ვარსკვლავები აანთეთ ფასების გასაზრდელად

ტურიზმის მინისტრი ასტამურ ლოგუა მიიჩნევს, რომ აუცილებელია აფხაზეთში სასტუმროების კლასიფიკაციის პროცესის დაწყება, რათა მათ შეძლონ თავიანთი მომსახურებისთვის სამართლიანი და შესაბამისი ფასის დადგენა.

“ეს საკითხი ჩვენ მთავრობათაშორისი კომისიის დონეზე განვიხილეთ. რუსული მხარე მზადაა, ამ საკითხში ყველა შესაძლო დახმარება გაგვიწიოს. იმედი მაქვს, რომ წლის ბოლომდე ამ პროცესს დავიწყებთ.“ – განაცხადა ლოგუამ აფხაზეთის პარლამენტის წევრებთან შეხვედრაზე.

ლოგუამ ასევე მოუწოდა ტურიზმის სექტორში მომუშავე მცირე და საშუალო მეწარმეებს, იმუშაონ თავიანთი უნიკალურობის გაუმჯობესებაზე. მაგალითად, ახალი საექსკურსიო მარშრუტების შემუშავება.

სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო