ევროპარლამენტში ოცნების მხარდამჭერი ჯგუფი ეწინააღმდეგება საქართველოს გაწევრიანებას ევროკავშირში

საქართველოს გაწევრიანება ევროკავშირში

ევროპარლამენტის პოლიტიკურ ჯგუფს, “სუვერენულ ერთა ევროპას” (ESN), რომელიც “ქართული ოცნების” მხარდამჭერი რიტორიკით გამოირჩევა, EP-ის რეზოლუციის პროექტში ინიციირებული აქვს შესწორება, რომლის მიხედვითაც, ევროპარლამენტი უნდა შეეწინააღმდეგოს საქართველოს გაწევრიანებას ევროკავშირში.

ESN-ის ჯგუფის სახელით წარდგენილი შესწორების ავტორები არიან სლოვაკი ევროპარლამენტარი ულტრამემარჯვენე „მოძრაობა რესპუბლიკიდან“ მილან ურიკი, საფრანგეთში ერიკ ზემურის პარტია „რეკონკისტას“ წევრი სარა კნაფო და „ალტერნატივა გერმანიისთვის“ (AfD) წევრი ალექსანდერ სელი.

8 ივლისს ევროპარლამენტი განიხილავს, ხოლო ხვალ კენჭს უყრის რეზოლუციას საქართველოს შესახებ.

“სუვერენულ ერთა ევროპის” (ESN) ინიცირებული შესწორებები:

• [ESN] აღიარებს საქართველოს ხელისუფლების გადაწყვეტილებას ევროკავშირში გაწევრიანების პროცესის დროებით შეჩერებას, როგორც ეროვნული სუვერენიტეტის ლეგიტიმურ გამოხატულებას უცხოური პოლიტიკური ზეწოლის ფონზე; პატივს სცემს საქართველოს მიერ თავისი სტრატეგიული პარტნიორობების გადახედვას, რომლის მიზანია ქვეყნის კონსტიტუციური წესრიგისა და ეროვნული ინტერესების დაცვა;

• მოუწოდებს ევროკავშირს, პატივი სცეს საქართველოს კონსტიტუციურ სისტემას და მის უფლებას, დამოუკიდებლად განსაზღვროს ასოცირების შეთანხმების განხორციელების ფორმები, პოლიტიკური წინაპირობების გარეშე; მიესალმება შესაძლებლობას, გადახედოს ევროკავშირის გაფართოების მიდგომას საქართველოში ბოლო პერიოდში განვითარებული მოვლენების გათვალისწინებით; აღნიშნავს აუცილებლობას, რომ გაფართოების ავტომატური მოდელის ნაცვლად მოხდეს გადასვლა სტრატეგიული თანამშრომლობის შეთანხმებების ფორმატზე, რომელიც პატივს სცემს პარტნიორი ქვეყნების სუვერენიტეტსა და უნიკალურობას;

• პატივს სცემს 2024 წლის 26 ოქტომბრის საპარლამენტო არჩევნების შედეგებს, როგორც ქართველი ხალხის დემოკრატიული ნების გამოხატულებას; ხაზს უსვამს ყველა პოლიტიკური ძალის პასუხისმგებლობას, მოქმედონ კონსტიტუციური ჩარჩოს ფარგლებში, რათა უზრუნველყონ პოლიტიკური სტაბილურობა და დემოკრატიული ინსტიტუტების გამართული ფუნქციონირება;

• აღიარებს საქართველოსათვის ყველა მეზობელ სახელმწიფოსთან პრაგმატული ურთიერთობების შენარჩუნების აუცილებლობას – როგორც რეგიონული სტაბილურობის უზრუნველსაყოფად, ისე ეროვნული ინტერესების დასაცავად

ოცნებამ მხარი არ დაუჭირა ეუთოს რეზოლუციას, რომელშიც სირიისგან ოკუპირებული ტერიტორიების აღიარების უკან წაღებას ითხოვენ. კომენტარი

“ასადის ჩამოგდების შემდეგ, სირია ურთიერთობების გლობალური გადატვირთვის პროცესშია, რაც საუკეთესო შანსს გვაძლევს, რომ აღიარება გააუქმონ”