2020 წლის პირველ ნახევარში საქართველოში ექსპორტი 16, ხოლო იმპორტი 19,1%-ით შემცირდა

2020 წლის პირველ 6 თვეში საქართველოში საგარეო სავაჭრო ბრუნვა 18,2 პროცენტით, 5 053.9 მლნ. აშშ დოლარამდე შემცირდა.

იანვარ-ივნისში საქართველოში ექსპორტი 16%-ით – 1 მლნ 503 ათას აშშ დოლარამდე, ხოლო იმპორტი 19,1%-ით, 3 მლნ 550 ათას. აშშ დოლარამდე შემცირდა.

2020 წლის იანვარ-ივნისში სასაქონლო ჯგუფებიდან საექსპორტო ათეულში პირველი ადგილი სპილენძის მადნებმა და კონცენტრატებმა (ჯართი) დაიკავა 332.4 მლნ. აშშ დოლარით, რაც მთელი ექსპორტის 22.1 პროცენტია. 

მეორე ადგილს იკავებს მსუბუქი ავტომობილები 184.1 მლნ. აშშ დოლარით. მესამე ადგილზე კი ფეროშენადნობებია 117.6 მლნ აშშ დოლარით.

• საქართველო საზღვრებს ხსნის ევროკავშირის ხუთი ქვეყნისთვის. ოღონდ ფრენები არ არის
• “ჩაკეტილი ქვეყანა” და ზარალი ეკონომიკისთვის

რაც შეეხება იმპორტს, 2020 წლის პირველ 6 თვეში საქართველოში ყველაზე მეტი – 289.9 მლნ. აშშ დოლარის ღირებულების  მსუბუქი ავტომობილი შემოვიდა, რაც მთელი იმპორტის 8.2 პროცენტია. 

მეორე ადგილი 234.1 მლნ აშშ დოლარით სპილენძის მადნებს და კონცენტრატებს უკავია. 

მესამე ადგილზე 231.6 მლნ. აშშ დოლარით კი ნავთობი და ნავთობპროდუქტებია.