ვიდეო ვოქს-პოპი აფხაზეთში: რამდენი ფული გჭირდებათ?
გთავაზობთ სოხუმის ქუჩებში ჩატარებული გამოკითხვის შედეგებს.
თუ შეიძლება, გვითხარით, რამდენი უნდა იყოს თქვენი ხელფასი, რომ სტაბილურობის შეგრძნება გქონდეთ?
– ‘თვეში 30 ათასზე [დაახლოებით, $400]არანაკლები’.
– ’60, ან 80 ათასი [დაახლოებით $800-$1000]მაინც. თუ აფხაზეთში ცხოვრობ,ჩემი აზრით, ეს საკმარისია’.
– ‘ოჯახთან ერთად სტაბილურად და კომფორტულად ცხოვრებისთვის 100 ათასი [დაახლოებით, $1300] ძალიან კარგი იქნებოდა’.
– ’30-30 ათასი[დაახლოებით $400-$500]. ვფიქრობ, რომ მე, როგორც გაუთხოვარ გოგონას, მეყოფოდა იმისთვის, რომ გადამედო და ჩემი სახსრებით, მშობლებისათვის ფულის თხოვნის გარეშე მემოგზაურა’.
ასეთი ფინანსური სტაბილურობა რომ გქონდეთ, პირველ რიგში, რა პრობლემებს მოაგვარებდით?
– ‘ჩემს პრობლემებს. სახლში რემონტს გავაკეთებდი, ბავშვებს განათლებას მივცემდი. და, რა თქმა უნდა, საკვებს ვიყიდდი, პროდუქტებს, ტანსაცმელს. ეს თანხა მეტის საშუალებას არც მომცემდა’.
– ‘დღეს 50 ათასი [დაახლოვებით $700] საშუალებას მომცემდა, სტაბილურად მეგრძნო თავი _ იმ ადამიანად, რომელსაც შეუძლია გარეთ გასვლა, სეირნობა, მეგობრების დაპატიჟება, რაიმე საინტერესოს ნახვა, სახლისა და ეზოს საზღვრების დატოვება, მოგზაურობა. ვფიქრობ, ეს თანხა საკმარისი იქნებოდა’.
– ‘პირველ რიგში, რა თქმა უნდა სახლში შევიქმნიდი კომფორტს _ ლამაზი ავეჯი, რემონტი და ნორმალური, ადამიანური პირობები. ასე იმიტომ ვფიქრობ, რომ ყველა უზრუნველყოფილი იყოს _ ბავშვები, შვილიშვილები. ჩვენთან 8 -13 ათასით [დაახლოებით, $100-150], არ ვიცი, უბრალოდ იარსებებ’.
– ‘ნორმალური ცხოვრებისათვის, იმისთვის, რომ არაფერი გვაკლდეს, არაფერზე ვთქვათ უარი. ბავშვებისთვის განათლების მიცემაც მნიშვნელოვანია, რა თქმა უნდა. და ალბათ, არც მოგზაურობაზე ვიტყოდი უარს’.
– ‘პრაქტიკულად, იმ თანხით, რომელსაც გამოვიმუშავებ, აუცილებელი საჭიროებების დაკმაყოფილებასა და სხვადასხვა საყოფაცხოვრებო პრობლემის მოგვარებას ვახერხებ, თუმცა იმისთვის,რომ საზღვარგარეთ კურსები გავიარო, დამატებითი განათლება მივიღო და განვვითარდე, მეტი ფულია საჭირო’.