სომხეთში ჟურნალისტის საქმიანობის შეზღუდვის ფაქტზე სისხლის სამართლის საქმე აღიძრა

სომხეთში სისხლის სამართლის საქმე აღიძრა ჟურნალისტის საქმიანობის შეზღუდვის გამო. ამის შესახებ სომხეთის მასობრივი საინფორმაციო საშუალებები იუწყებიან.

გაზეთ „აიკაკან ჟამანაკის“ კორეპონდენტმა ანა ზახარიანმა 12 მაისს ერევნის უხუცესთა საბჭოს არჩევნებამდე ორი დღით ადრე “რესპუბლიკური პარტიის” კანდიდატის, ტარონ მარგარიანის შტაბთან შენიშნა ადამიანები, რომლებიც  20-20 ათას დრამს და  კანიდატის აღნიშნული გვარით ბიულეტენებს არიგებდნენ.

როგორც ვებგვერდზეა აღნიშნული, ჟურნალისტმა მომხდარის ვიდეოზე გადაღება დაიწყო, მაგრამ ადგილობრივმა „ავტორიტეტებმა“ ძალით წაართვეს მას ტელეფონი და იქიდან მთელი იფორმაცია წაშალეს, მათ შორის – იმ წუთში გადაღებული ვიდეოც. ანა ზახარიანს ტელეფონი მხოლოდ მას შემდეგ დაუბრუნეს, რაც მისი ზედაპირიდან ხელსახოცით სრულად გაწმინდეს თითების ანაბეჭდები.

„მასობრივი საინფორმაციო საშუალების წარმომადგენლისთვის სამსახურებრივი მოვალეობის შესრულების შეზღუდვისა და ამომრჩევლებისთვის ქრთამის დარიგების ფაქტზე აღძრულია სისხლის სამართლის საქმე.

მოგვიანებით „აიკაკან ჟამანაკი“ იტყობინებოდა, რომ ჟურნალისტის ტელეფონში მაინც შემორჩა ერთი ვიდეო, რომლის ნახვაც აქ შეგიძლიათ.