საპროტესტო აქციები ირანის ქალაქებში

ხუთშაბათიდან მოყოლებული ირანის ქალაქებში საპროტესტო აქციები მიმდინარეობს, – იუწყება ВВС. თავიდან აქციებმა რაშტი და ქერმანშაჰი მოიცვა, შემდეგ კი სხვა ქალაქებშიც გავრცელდა.

თავდაპირველად გამოსვლების მიზეზად მზარდი ფასები იქცა. შემდეგ კი საპროტესტო აქციების მონაწილეებმა საერთოპოლიტიკური მოთხოვნების წამოყენება დაიწყეს.

ისინი ირანის მმართველი რელიგიურ ლიდერებსა და პირადად ჰასან როუჰანის აკრიტიკებდნენ, ითხოვდნენ პოლიტპატიმრების გათავისუფლებას და პოლიციური ძალადობის შეწყვეტას, ასევე – სირიასა და ლიბანში შეიარაღებულ ჩარევაზე უარის თქმას.

ირანის დედაქალაქ თეირანს ჯერჯერობით ეს აქციები არ შეხებია.

მსგავსი მასობრივი ანტისამთავრობო გამოსვლები ირანში 2009 წლის შემდეგ არ ყოფილა.