კიდევ ორი ფაქტი აზერბაიჯანში - კორონავირუსით ინფიცირებული ახლა უკვე 11 ადამიანია

ახალი კორონავირუსი COVID-19 აზერბაიჯანის კიდევ ორ მოქალაქეს აღმოაჩნდა რომლებიც ირანიდან დაბრუნდნენ . ახლა ქვეყანაში 11 ინფიცირებულია, ისინი სპეციალურ საავადმყოფოში არიან მოთავსებული არსებული ინფორმაციით, მათი უმრავლესობის ჯანმრთელობის მდგომარეობა სტაბილურია, მხოლოდ ერთს აღენიშნება საშუალო სიმძიმე. 

ირანთან საზღვარი, სადაც უკვე 7 ათასზე მეტი ინფიცირებული და 200-ზე მეტი გარდაცვლილია, აზერბაიჯანმა მხოლოდ 29 თებერვალს ჩაკეტა. იქიდან აზერბაიჯანის მოქალაქეების სამშობლოში დაბრუნება გრძელდება, რომელთაც მაშინვე კარანტინში ათავსებენ.

ქვეყანაში ვირუსთან ბრძოლისთვის შემდეგი ზომებია მიღებული:

27 მარტამდე დახურულია სასწავლო დაწესებულებები;

გაუქმებულია ყველა კონცერტი და მასშტაბური ღონისძიება; 

ტრანსპორტსა და საჯარო დაწესებულებებში ტარდება დეზინფექცია.

• კორონავირუსი: არავითარი ხელის ჩამორთმევა. ერთმანეთს იდაყვებით, მუშტებით და ფეხებით ვესალმებით

• საქართველო: ტურისტები აღარ ჩამოდიან, სასტუმროები გაკოტრების პირას არიან

• 2-წუთიანი ვიდეო იმის შესახებ, თუ როგორ უნდა დავიცვათ თავი კორონავირუსისგან