აფხაზეთის პარლამენტი ყოფილი პრემიერის წინააღმდეგ
აფხაზეთის პარლამენტი უკმაყოფილოა იმით, თუ როგორ შესრულდა 2017 წელს ბიუჯეტი, და პროკურატურას დაავალა, რომ მთავრობის მუშაობა შეამოწმოს. ეს დადგენილება პარლამენტის სხდომაზე მიიღეს, და მას 30 დამსწრე დეპუტატიდან 25-მა უყარა კენჭი. აფხაზეთის პარლამენტში სულ 35 ადგილია.
დეპუტატები ეჭვობენ, რომ მინისტრთა კაბინეტის მიერ ერთბაშად სამი კანონი დაირღვა: „2017 წლის ბიუჯეტის შესახებ“, „კორუფციის აღკვეთისა“ და „ამინისტრთა კაბინეტის (მთავრობის)“ შესახებ.
მთავარ პრობლემას ჯერჯერობით ის წარმოადგენს, რომ 2017 წელს ბიუჯეტი მხოლოდ 94 პროცენტით შესრულდა.
ამიტომ პარლამენტარების უმრავლესობამ „2017 წელს აფხაზეთის რესპუბლიკის რესპუბლიკური ბიუჯეტის შესრულების შესახებ“ კანონპროექტის მიღების წინააღმდეგ მისცა ხმა“.
ახლა შეიქმნება სამუშაო კომისია, რომელშიც სხვადსხვა სტრუქტურის წარმომადგენლები შევლენ. კომისიის წინაშე დადგება ამოცანა, გაარკვიოს, თუ რატომ არ შესრულდა ბიუჯეტი, და როგორ უნდა დაისაჯონ ისინი, ვინც ამაში დამნაშავეა.
პასუხისმგებლობა, მათ შორის, შეიძლება ყოფილ პრემიერ-მინისტრ ბესლან ბარციცსაც დაეკისროს.
2018 წლის აპრილის ბოლოს ბარციცი თანამდებობიდან ამ ფორმულირებით გადადგა – „სხვა სამსახურში გადაყვანასთან დაკავშირებით“ და მაშინვე პრეზიდენტის ადმინისტრაციის ხელმძღვანელად დაინიშნა. და ამან პარლამენტში აღშფოთება გამოიწვია, რადგან დეპუტატებს პრემიერის თანამდებობაზე ბესლან ბარციცის საქმიანობისადმი დიდი პრეტენზიები ჰქონდათ, მათ შორის ბიუჯეტის გეგმიური მაჩვენებლების შეუსრულებლობის გამოც.
ახლა ეკონომიკაში არსებული სიტუაციის გამოსწორება დაევალა გენადი გაგულიას, რომელიც მანამდე უკვე ორჯერ (1995-1998 და 2002-2003 წლებში) ხელმძღვანელობდა აფხაზეთის მთავრობას.
