აზერბაიჯანი მხარს უჭერს სირიაში თურქეთის სპეცოპერაციას

„აზერბაიჯანი სრულად აცნობიერებს უსაფრთხოების შესახებ თურქეთის საფუძვლიან შეშფოთებას ტერორისტული მუქარის შესახებ“, – ასეთი კომენტარი გააკეთა აზერბაიჯანის საგარეო საქმეთა სამინისტროს პრეს-სამსახურის ხელმძღვანელმა, ხიკმეტ გაჯიევმა, სირიის ტერიტორიაზე თურქეთის არმიის ოპერაციაზე ინფორმაციის შესახებ.

აზერბაიჯანის საგარეო საქმეთა სამინისტროს პრეს-სამსახურის ხელმძღვანელმა დაამატა, რომ თურქეთმა ტერორისტული აქტი არაერთხელ იწვნია და შედეგად უამრავი უდანაშაულო ადამიანი დაიღუპა.

„ჩვენ მოძმე თურქეთს და თურქ ხალხს ვუსურვებთ აღარასდროს განეცადოთ ვერაგული ტერორისტული აქტები“ – თქვა გაჯიევმა.