თბილისში მიკროსაფინანსო ორგანიზაციაზე თავდამსხმელმა ყველა მძევალი გაათავისუფლა

თბილისში, წერეთლის გამზირზე, მიკროსაფინანსო ორგანიზაციაში შეიარაღებული პირი შეიჭრა და 9 ადამიანი მძევლად აიყვანა, მოგვიანებით კი ყველა მათგანი გაათავისუფლა.

თავდამსხმელს შემდეგი მოთხოვნები ჰქონდა – ის ბანკებისგან სესხების 7%-მდე დაწევას, აზარტული თამაშების აკრძალვას და მედიკამენტების გაიაფებას ითხოვდა.

გავრცელებული ინფორმაციით, თავმდამსხმელი ბორჯომელი ლევან ზურაბაშვილია, რომელიც თბილისში, ორხევის დასახლებაში ცხოვრობს.

ამ დროისთვის თავდამსხმელი დაკავებულია. ამის შესახებ ინფორმაციას შსს ადასტურებს.

გათავისუფლებულია ყველა მძევალი.